Äzerbaijan Bakuden Groznyiǧa ūşyp bara jatqan AZAL jolauşylar ūşaǧynyŋ apatyna Şeşenstan basşylyǧynyŋ eşqandai qatysy joq ekenın aitty. Būl turaly Minval derekközı jazdy, dep habarlaidy “Adyrna” ūlttyq portaly.
Mälımette Şeşenstannyŋ būl apatqa eşqandai qatysy joq ekenı aityldy.
Aita ketsek, Şeşenstan basşysy Ramzan Qadyrov 2024 jyldyŋ jeltoqsan aiynda qūlaǧan AZAL Embraer E190 ūşaǧynyŋ ekipaj müşelerın «Şeşenstan Respublikasyna sıŋırgen eŋbegı üşın» medaldarymen marapattaǧan bolatyn. Sondai-aq, Qadyrovtyŋ aituynşa, Şeşenstanda apat qūrbandaryna arnalǧan eskertkış taqta ornatylady.
«Būl oqiǧaǧa jauapty – Reseidıŋ äskeri qyzmetkerlerı», – dep mälımdedı Minval derekközı.
Eske sala keteiık, 2024 jyldyŋ 25 jeltoqsanynda Baku-Groznyi reisın oryndaǧan «Äzerbaijan äue joldarynyŋ» jolauşylar ūşaǧy Aqtau qalasyna jaqyn jerde apatqa ūşyraǧan. Ūşaqta 67 adam bolǧan, onyŋ 38-ı qaza tauyp, 29 adam aman qalǧan.
Aldyn ala mälımetter boiynşa, apattyŋ sebebı Reseidıŋ äue keŋıstıgındegı Groznyi maŋynda syrtqy fizikalyq jäne tehnikalyq äserden bolǧan.
Ūqsas jaŋalyqtar
