Memleket basşysy Qasym-Jomart Toqaev «Türkıstan qalasynyŋ erekşe märtebesı turaly» Qazaqstan Respublikasynyŋ Zaŋyna qol qoidy. Būl turaly bügın, 3 nauryzda Aqordanyŋ baspasöz qyzmetı jazdy, dep habarlaidy «Adyrna» tılşısı.
Zaŋda elımızdıŋ ruhani, tarihi-mädeni, turistık ortalyǧy jäne säulet mūrasy retındegı Türkıstan qalasynyŋ erekşe märtebesı bekıtılgen.
«Qūjat qalanyŋ tarihi-mädeni eskertkışterı men nysandaryn basqarudyŋ, saqtaudyŋ jäne tūtastyǧyn qamtamasyz etudıŋ tiımdı jüiesın qūruǧa; Qoja Ahmet Iаsaui kesenesı men onyŋ qorǧau aimaǧyndaǧy eskertkışterge arheologiialyq jäne ǧylymi-restavrasiialyq jūmystardy josparlauǧa jäne basqaruǧa; tarihi-mädeni mūrany saqtauǧa, damytuǧa, qaita jaŋǧyrtuǧa jäne ūlttyq qolönerdı därıpteuge; qalanyŋ tarihi-mädeni nysandaryn qorǧau jäne paidalanu jönınde qabyldanǧan şeşımderdı ǧylymi tūrǧydan qamtamasyz etuge baǧyttalǧan»,—delıngen habarlamada.
Qalanyŋ damuyn tiımdı basqaru üşın Türkıstan qalasynyŋ äkımdıgı men mäslihatyna qosymşa ökılettıkter berıldı. Būl şeşım qabyldau üderısın jedeldetuge, tarihi-mädeni mūra nysandaryn saqtauǧa baqylaudy jaqsartuǧa, qalanyŋ bıryŋǧai jobalyq kodeksın engızuge mümkındık beredı.
Öz kezegınde memlekettık baqylau qolönerşılerdı qoldaudy, tranzittık kölıktı retteudı jäne qalanyŋ tarihi bolmysyn saqtaudy qamtamasyz etedı.
