22 nauryz – Ūlystyŋ ūly künınde Aqtauda qazaq halqynyŋ ūlttyq kiımı men salt-dästürın älemge tanytu maqsatynda auqymdy festival ötedı, dep habarlaidy "Adyrna" ūlttyq portaly.
Maŋǧystau oblysynyŋ äkımdıgı taratqan aqparatqa säikes, "Kazakh Record" festivalıne 5000-nan astam adam qatysady dep josparlanuda. Şara aiasynda qazaqtyŋ ūlttyq kiımın Ginnes rekordtar kıtabyna engızu üşın halyqaralyq komissiia müşelerı arnaiy Aqtauǧa keledı.
Festivaldıŋ maqsaty - qazaqtyŋ ūlttyq kiımın nasihattau, tarihi mūra men mädeniettı därıpteu, jastardyŋ patriottyq ruhyn köteru men qazaqy salt-dästürdı ūrpaqtan-ūrpaqqa jetkızu.
"Ūlttyq qūndylyqtardy älemge paş etkısı keletın barşa qazaqstandyqty Kazakh Record festivalıne şaqyramyz!" – delıngen äkımdık habarlamasynda.
Aita keteiık, būǧan deiın Kökşetauda Nauryz meiramyna orai "Kimeşek şeruı" ūiymdastyrylatyny belgılı bolǧan.
Ūqsas jaŋalyqtar
