Bas prokuratura Arǧyn Nyǧmatulinge qatysty qozǧalǧan qylmystyq ıstıŋ qai bap boiynşa tergelıp jatqanyn mälımdedı, dep habarlaidy "Adyrna" ūlttyq portaly.
Qūzyrly organnyŋ resmi jauabyna säikes, Arǧyn Nyǧmatulin men özge de tūlǧalarǧa QR Qylmystyq kodeksınıŋ 189-baby 4-bölıgınıŋ 2-tarmaǧy ("Senıp tapsyrylǧan böten mülıktı iemdenu nemese talan-tarajǧa salu") boiynşa aiyp taǧylyp otyr.
"Sot şeşımımen Nyǧmatulin A.Z.-ǧa qatysty qamauǧa alu türındegı būltartpau şarasy sanksiialandy jäne ol ızdeuge jariialandy", – dep habarlady Bas prokuratura.
Tergeu qūpiialyǧyna bailanysty qosymşa aqparat jariialanbaidy.
Aita keteiık, Qylmystyq kodekstıŋ 189-baby 4-bölıgınıŋ 2-tarmaǧyna säikes, senıp tapsyrylǧan mülıktı iemdengenı nemese talan-tarajǧa salǧany üşın 7 jyldan 12 jylǧa deiın bas bostandyǧynan aiyru jazasy qarastyrylǧan. Sonymen qatar, mülkı tärkılenıp, belgılı bır lauazymdardy atqaruǧa tyiym salynuy mümkın.
Būǧan deiın Antikorrupsiialyq qyzmet eks-Mäjılıs töraǧasy Nūrlan Nyǧmatulinnıŋ aǧasy – Arǧyn Nyǧmatulindı ızdestırıp jatqanyn habarlaǧan bolatyn.
Ūqsas jaŋalyqtar
