Sauda jäne integrasiia ministrı Arman Şaqqaliev saǧat beldeuınıŋ özgeruıne bailanysty qazaqstandyqtar qandai jaǧdaida jaŋa jūmys kestesıne auysa alatynyn atady, dep habarlaidy “Adyrna” ūlttyq portaly Tengrinews.kz saityna sıltep.
Ministr Şyǧys Qazaqstan oblysyn mysal retınde keltırdı.
«Aimaqtarda talqylau barysynda mäslihat deputattary jūmys uaqytyn oŋtailandyru boiynşa jūmys kestesın retteu bastamasyn qoldady. Qazırgı taŋda Şyǧys Qazaqstan oblysynyŋ bırqatar audandarynda jūmys kestesı 08:00-den 17:30-ǧa deiın özgertıldı, būl tūrǧyndar tarapynan oŋ baǧasyn aldy», — dedı Şaqqaliev ükımet otyrysynda.
Onyŋ aituynşa, būl şaralar azamattarǧa yŋǧaily jaǧdai jasauǧa jäne käsıbi men jeke ömır arasyndaǧy teŋgerımdı jaqsartuǧa baǧyttalǧan.
«Qajet bolǧan jaǧdaida atalǧan täjıribenı basqa öŋırlerde jergılıktı atqaruşy organdarmen üilestıru arqyly qoldanuǧa bolady», — dep qosty ministr.
Eske salsaq, 2024 jylǧy 1 nauryzdan bastap Qazaqstanda bırdei uaqyt engızıldı. Astana, Almaty, Şymkent, Aqmola, Almaty, Jambyl, Qaraǧandy, Qostanai, Pavlodar, Soltüstık Qazaqstan, Türkıstan, Şyǧys Qazaqstan oblystary, sondai-aq Abai, Jetısu jäne Ūlytau oblystarynda saǧat tılı 1 saǧatqa arttyrylǧan. Osylaişa, bükıl el UTC +5 saǧattyq beldeude ömır süre bastady.
Säuır aiynda qazaqstandyqtar uaqytty auystyrudy toqtatu turaly petisiia bastaǧan bolatyn, ol 50 myŋ qoldauǧa ie boldy. Tamyz aiynda Sauda jäne integrasiia ministrlıgı saǧat beldeuı turaly petisiiaǧa qatysty tüpkılıktı şeşımın jariialap, petisiiany qanaǧattandyrmady.
