Almaty oblysynda esırtkı qūramdas ösımdıkterdı zaŋsyz ösırumen ainalysqan qylmystyq top ūstaldy, dep habarlaidy "Adyrna" ūlttyq portaly Polisia.kz-ke sılteme jasap.
Küdıktıler özderıne tiesılı 10 sotyq jerde bır tonnaǧa juyq qarasora ösırgen.
Arnaiy operasiia barysynda üş adam ūstaldy. Olardyŋ jalǧa alǧan üiınıŋ aumaǧynan qarasora ösıruge arnalǧan 10 sotyq jylyjai tabyldy.
"Zaŋsyz ainalymǧa tüspei, tärkılengen esırtkınıŋ jalpy salmaǧy 900 kelını qūrady. Küdıktıler ūstalyp, uaqytşa ūstau izoliatoryna qamaldy", – dep mälımdedı QR IIM Esırtkı qylmysyna qarsy ıs-qimyl komitetı töraǧasynyŋ orynbasary Quandyq Äljanov.
IIM mälımetınşe, 2025 jyldyŋ basynan berı zaŋsyz ainalymnan ekı tonnadan astam esırtkı tärkılengen. Onyŋ ışınde 120 kg sintetikalyq esırtkı, 600 gramm kokain jäne 140 kg-nan astam gaşiş bar.
