Senator qazaqy it tūqymdarynyŋ künın qaraşada atap ötudı ūsyndy

Senat deputaty Bibıgül Jeksenbai Ükımet basşysy Oljas Bektenovtıŋ atyna joldaǧan saualynda qazaqy it tūqymdarynyŋ künın qyrküiekten qaraşaǧa auystyrudy ūsyndy, dep habarlaidy “Adyrna” ūlttyq portaly İnformbiuroǧa sıltep. Būǧan deiın ekologiia ministrlıgı atalǧan merekenı 3 qyrküiekte atap ötudı ūsynǧan edı. Alaida ūlttyq kinologtar qauymdastyǧy būl künnıŋ tarihi jäne mädeni dästürlerge säikes kelmeitının alǧa tartty. “Qazaq aŋşylyq mädenietınde tazy men töbet – tek it tūqymy ǧana emes, köşpendılerdıŋ senımdı serıgı, aŋşylyq pen dala ömırınıŋ simvoly. Dästür boiynşa, Qazaqstanda aŋ aulau mausymy alǧaşqy qar tüsken sätte, iaǧni qaraşa aiynda – qansonarda bastalady. Sondyqtan Tazy men töbet künın osy kezeŋge orailastyryp, qaraşanyŋ bırınşı jeksenbısıne belgıleudı qarastyru qajet”, – dedı senator. Aita keteiık, Ūlttyq qūryltaida Memleket basşysy Qasym-Jomart Toqaev qazaqtyŋ tazysy halyqaralyq tızımge engızılgenın mälımdegen bolatyn. Sondai-aq, Prezident Fransiiaǧa sapary kezınde Emmaniuel Makronǧa qos tazy syilaǧanyn atap öttı. “Aŋ aulaityn airyqşa qasietterı bar qazaqy ittıŋ tūqymyn endı bükıl älem bıledı. Fransiialyqtar tazylardyŋ erekşe qabıletıne täntı boldy”, – dedı Qasym-Jomart Toqaev. Endı qazaqy it tūqymdarynyŋ künı naqty qai aida atap ötıletını turaly şeşım Ükımet deŋgeiınde qarastyryluy mümkın.