Prokuror seksualdyq zorlyq-zombylyq jasady dep aiyptalǧan akter Depardenı şartty türde bır jarym jyl bas bostandyǧynan aiyrudy sūrady. Parijdıŋ qylmystyq soty öz ükımın 13 mamyrda şyǧarady.
Prokuror Loran Gi Jerar Depardenı mäjbürlı psihologiialyq emdeuden ötuge, ekı jylǧa sailanu qūqyǧynan airyluǧa jäne seksualdyq sipattaǧy qylmys jasaǧandar tızımıne engızuge talap qoidy.
Jerar Deparde 2021 jyly «Zelenye stavni» filmınıŋ tüsırılımı kezınde ekı äielge seksualdyq zorlyq-zombylyq körsetkenı üşın sottalyp jatyr.
Onyŋ bırı, 54 jastaǧy qoiuşy suretşı Ameli Mediapart basylymyna bergen sūhbatynda Deparde oǧan köptegen orynsyz sözder aityp, keiın denesın ūstap, qysym körsetkenın aitty. Ol būl aiyptaudy sotta da rastady.
Prokuror Loran Gai, öz kezegınde, būl ıste oqiǧanyŋ tıkelei kuägerlerı bolǧan jäne Amelidıŋ nūsqasyn rastaǧan üş kuägerdıŋ aiǧaqtary bar ekenın aitty.
Ekınşı şaǧymdanuşy, rejisserdıŋ kömekşısı Sara (aty özgertıldı) tüsırılım kezınde Deparde onyŋ keudesı men bökselerın ūstaǧanyn aitty.
Jerar Deparde barlyq aiyptardy «jalǧan» jäne «jala jabu» dep atady. Onyŋ advokaty Jeremi Assus öz qorǧauşysyn «qudalaudyŋ qūrbany» dep, ony aqtaudy sūrady.
Advokat sot otyrystarynda aryzdanuşylarǧa qatysty dörekı jäne qorlaityn sözder aitqan. Ol, atap aitqanda, olardy «ötırıkşıler» dep atady, olardyŋ maqsaty BAQ nazaryn audaru ekenın aitty
Öz kezegınde, Deparde sotta Ameli men onyŋ arasyndaǧy äŋgıme tek tüsınbeuşılıkten bolǧanyn aitty. Akterdıŋ aituynşa, qoiuşy suretşı jūmysyn dūrys oryndamaǧan.
«Ystyq boldy, salmaǧym 150 kelı, köŋıl-küiım naşar boldy. Men ony taiyp ketpeu üşın onyŋ baiqausyzda jambasynan ūstap aldym, onyŋ mınez-qūlqy menı qatty tıtırkendırdı», - dedı Deparde. Osylaişa, akter Amelige seksualdyq nietpen tiıstı degen aiypty joqqa şyǧardy..
Sondai-aū, Deparde Amelidıŋ ony basyp, aiaqtarymen qorşap aldy degenın joqqa şyǧardy.
«Osyndai qarynmen men eşkımdı aiaqtarymnyŋ arasyna syidyra almaimyn, eger qalasaŋyz, täjıribe jasaiyq», dedı akter.
Sot otyrysynda Deparde keide «dörekı» ekenın, bıraq özın zorlauşy dep sanamaitynyn aitty. Sonymen bırge, Deparde seksualdyq zorlyq-zombylyq dep sanauǧa bolatyn närsenı «bılmeitının» mälımdedı.
