Senat Töraǧasy Mäulen Äşımbaev Batys Qazaqstan oblysynda eŋbek ūjymdarymen, mäslihat deputattarymen, Qazaqstan halqy Assambleiasynyŋ müşelerımen, jergılıktı jūrtşylyqpen jäne jastarmen kezdesuler ötkızdı.
Kezdesuler barysynda Memleket basşysy Qasym-Jomart Toqaev Ūlttyq qūryltaidyŋ IV otyrysynda jüktegen mındetterdı ıske asyru jäne Senattyŋ öŋırlerdı damytuǧa yqpalyn küşeitu mäselelerı talqylandy.
Oblys jūrtşylyǧymen ötken kezdesude Mäulen Äşımbaev ädılettı, qauıpsız jäne quatty Qazaqstan qūru jolyndaǧy reformalardyŋ maŋyzdylyǧyn atap öttı. Ol saiasi-ekonomikalyq özgerısterdı jüzege asyru üşın barlyq deŋgeidegı memlekettık organdar men qoǧamnyŋ belsendılıgı qajet ekenın aitty.
«Prezidentımız Qasym-Jomart Kemelūly Toqaev Ūlttyq qūryltaidyŋ IV otyrysynda elımızdı damytuǧa qatysty özektı mäselelerge keŋınen toqtaldy. Öŋırlerdıŋ ekonomikasyn örkendetu negızgı baǧyttardyŋ bırı retınde belgılendı. Qūryltaida ışkı saiasat, ideologiia, bılım beru mäselelerıne de erekşe nazar audaryldy. Aitylǧan barlyq bastamalar Ädılettı, Qauıpsız, Taza jäne Quatty Qazaqstan qūru ideiasyn ıske asyruǧa arnalǧan. Osy jäne basqa da mındetterdı sapaly ıske asyru üşın jüielı ärı tiımdı jūmys ısteuımız kerek», – dep, Senat Töraǧasy oblystyq mäslihat deputattaryn ortaq maqsattarǧa qol jetkızu üşın Palatanyŋ zaŋ şyǧaru qyzmetıne belsendı qatysuǧa şaqyrdy.
Senat Töraǧasynyŋ aituynşa, öŋırlerdıŋ tūraqty damuy üşın investisiialar tartu, jaŋa käsıporyndar aşu, auyl şaruaşylyǧy men öŋdeuşı önerkäsıptı qoldau maŋyzdy. Būl baǧytta Senat mäslihattarmen bırlesıp, zaŋnamalyq jūmystardy jetıldırudı jalǧastyrady.
Jastarmen kezdesude Mäulen Äşımbaev el damuyna jas buynnyŋ qosatyn ülesı erekşe ekenın atap öttı. Ol bılımdı, jaŋaşyl jastar Qazaqstannyŋ jarqyn bolaşaǧyn qalyptastyruda maŋyzdy röl atqaratynyn aityp, olarǧa memleket tarapynan jasalyp jatqan qoldaularǧa toqtaldy.
Sapar barysynda senatorlar ötken jylǧy su tasqynynan zardap şekken tūrǧyndarǧa arnalyp salynǧan jaŋa üilerdı aralady. Sondai-aq, jaŋadan aşylǧan «Aqjaiyq» oŋaltu ortalyǧynyŋ jūmysymen tanysty.
Öŋırdegı öndırıs oryndaryn aralau barysynda «Packaging Systems» JŞS jäne «Kvant» jihaz fabrikasynyŋ qyzmetı tanystyrylyp, öndırıstı keŋeitu jäne investisiia tartu mäselelerı qaraldy.
Senat töraǧasy Mäulen Äşımbaev oblysta bırqatar jūmystar sättı ıske asyp jatqanyn erekşe atap öttı.
“Batys Qazaqstan oblysy türlı baǧdarlamalar sättı ıske asyrylyp, ekonomikasy tūraqty ösıp kele jatqan öŋırlerdıŋ bırı! Osy rette oblys äkımı Töreǧaliev Nariman Töreǧaliūlynyŋ belsendı jūmysyn atap ötken jön. Nariman Töreǧaliūly bılıktı basşy, şeber ūiymdastyruşy, bızdıŋ ärıptesımız. Senator retınde de nätijelı eŋbek ettı. Qazırgı taŋda äkımnıŋ türtkı boluymen köptegen ırgelı ıster qolǧa alynǧanyn bılemız!” - dedı Mäulen Äşımbaev.
Senat öŋırlerdıŋ damuyna yqpal etetın bastamalardy qoldaudy jalǧastyrady.
Ūqsas jaŋalyqtar
