Senat Töraǧasy Mäulen Äşımbaev Jambyl oblysynyŋ talantty jäne belsendı jastarymen kezdesude eldı jaŋǧyrtu jäne Ädılettı Qazaqstan qalyptastyru jolynda jas buyn maŋyzdy röl atqaratynyn atap öttı.
Sondai-aq Palata Spikerı Memleket basşysynyŋ bastamasymen elımızde ıske asyrylyp jatqan jastardy qoldauǧa arnalǧan şaralardyŋ arqasynda öskeleŋ ūrpaq ülken mümkındıkterge ie bolyp otyrǧanyna nazar audardy.
«Bız qazır bılım jäne ǧylym zamanynda, innovasiialyq tehnologiialar men tyŋ jaŋalyqtar däuırınde ömır sürıp jatyrmyz. Osy kezeŋde elımızde özın-özı damytuǧa, jaŋa daǧdylardy meŋgeruge, qabılettı şyŋdauǧa, bılım kökjiegın keŋeituge, onyŋ ışınde onlain-oquǧa barlyq jaǧdai jasalǧan. Mūndai mümkındıktı qūr jıbermeu kerek. Sondai-aq jeke tūlǧa retınde qalyptasudyŋ taǧy bır maŋyzdy tetıgı – dūrys qūndylyqtardy boiǧa sıŋıru. Prezidentımız Qasym-Jomart Kemelūly Toqaev ūsynǧan «Adal azamat» tūjyrymdamasy osyndai qaǧidattarǧa taban tıreidı. Sondyqtan, eŋ aldymen, materialdyq emes, intellektualdyq kapital jinauǧa küş jūmsap, üzdıksız bılım aludy ädetke ainaldyru qajet», – dedı Mäulen Äşımbaev.
Senat Töraǧasy Palatanyŋ jastardy qoldau baǧytyndaǧy jūmystary jönınde de aityp öttı. Būl rette Senat janyndaǧy Sarapşylar kluby men «Taldau mektebı» siiaqty qoǧamdyq jobalar jaiynda söz boldy.
