Qazaqstandyq mänerlep syrǧanauşy Mihail Şaidorov 2025 jyly Bostonda ötken älem chempionatynda kümıs jülde ielendı, dep habarlaidy «Adyrna» ūlttyq portaly.
Jarystyŋ soŋǧy baǧdarlamasy – erkın baǧdarlamada erler arasyndaǧy jeke syrǧanauşylar öner körsettı. Qysqa baǧdarlamadan keiın Şaidorov üşınşı orynda tūrdy, al ekınşı jarys künınıŋ qorytyndysy boiynşa öz nätijesın jaqsartyp, joǧary köterıldı.
Erkın baǧdarlamada qazaqstandyq sportşy 192,70 ūpai jinap, būl onyŋ jeke rekordy boldy. Sondai-aq, jalpy eseptegı körsetkışın jaŋartyp, 287,47 ūpaiǧa qol jetkızdı.
Būl nätije 20 jastaǧy Şaidorovqa älem chempionatynda alǧaş ret kümıs medal jeŋıp aluǧa mümkındık berdı. Ol tek amerikalyq İlia Malininge (318,56) jol berdı. Üşınşı oryndy japoniialyq Iýma Kagiiama (278,19) ielendı.
Osy jetıstıgınıŋ arqasynda Şaidorov 2026 jylǧy qysqy Olimpiadaǧa joldama aldy. Būǧan deiın lisenziiany äielder arasyndaǧy jarysta 14-oryn alǧan Sofia Samodelkina da ielengen bolatyn.
Şaidorov älem chempionatynyŋ tūǧyrynan körıngen Qazaqstan tarihyndaǧy üşınşı mänerlep syrǧanauşy atandy. Būǧan deiın būl jetıstıkke Denis Ten (2013 jyly kümıs, 2015 jyly qola) jäne Elizabet Tūrsynbaeva (2019 jyly kümıs) jetken edı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz