Aqmola oblysynda 12 QAJ (qylmystyq-atqaru jüiesı) qyzmetkerıne qatysty atyşuly ıstegı ükımnıŋ küşı joiyldy. Būl turaly Aqmola oblystyq sotynyŋ baspasöz qyzmetı jariialady, dep habarlaidy “Adyrna” ūlttyq portaly.
Qylmystyq ıster jönındegı sot alqasy mamandandyrylǧan audanaralyq sottyŋ alqabiler şyǧarǧan ükımın joidy. Is Atbasar audandyq QAJ qyzmetkerlerıne qatysty, olar Qylmystyq kodekstıŋ 146-baby 3-bölımı 1-tarmaǧy — "Adamdar tobynyŋ azaptau qoldanuy" boiynşa aiyptalǧan.
Tergeu nūsqasy boiynşa, koloniia qyzmetkerlerı Atbasar qalasyndaǧy tüzeu mekemesınde jazasyn ötep jatqan sottalǧandarǧa zaŋsyz küş qoldanǧan.
Būǧan deiın alqabiler qūramynyŋ şeşımımen aiyptaluşylar qylmys qūramy bolmaǧandyqtan aqtalǧan edı. Alaida oblystyq sot būl ükımdı joidy. Sot ükımnıŋ küşın joiu sebebı retınde prosestık zaŋbūzuşylyqtardy atady.
Sottyŋ baspasöz qyzmetınıŋ mälımetınşe, alqabilerdıŋ qatysuymen talqylanbauy tiıs mäseleler sot prosesınde qaralǧan. Būl zardap şekken taraptyŋ pıkırıne äser etuı mümkın edı. Sonymen qatar, barlyq jäbırlenuşıge jaryssözge qatysuǧa mümkındık berılmegen.
"Is sol sotta, bıraq basqa sudia qūramymen qaita qarauǧa joldandy", – dedı Aqmola oblystyq sotynyŋ baspasöz qyzmetı.
Aita keteiık, 2024 jylǧy 12 aqpanda Aqmola oblysynyŋ qylmystyq ıster jönındegı mamandandyrylǧan audanaralyq soty alqabilerdıŋ şeşımıne süiene otyryp, QAJ departamentınıŋ "№1 mekeme" būrynǧy 12 qyzmetkerın aqtau turaly ükım şyǧarǧan.
Atbasar qalasyndaǧy koloniia qyzmetkerlerı sottalǧandardy azaptady degen küdıkke ılıngen bolatyn. 2023 jylǧy qyrküiekte äleumettık jelılerde sottalǧandardy ūryp-soǧu beinejazbalary tarap ketken edı.
Ūqsas jaŋalyqtar
