Almatynyŋ Almaly audandyq soty «Elge Qaitaru» qorynyŋ jetekşısı, zaŋger Orazaly Erjanovty kınälı dep tanyp, 4 jylǧa bas bostandyǧyn şekteu jazasyn taǧaiyndady, dep habarlaidy "Adyrna".
Oǧan probasiialyq baqylau qoiylyp, 5 jylǧa qoǧamdyq qyzmetpen ainalysuyna tyiym salyndy.
Sot ony Qylmystyq kodekstıŋ 150-baby 2-bölıgı – sailau prosesıne kedergı keltıru boiynşa aiypty dep tapty. Aiypqa säikes, Erjanov 2026 jylǧy referendum aldynda äleumettık jelıde boikot jariialauǧa şaqyrǧan jazba taratqan jäne azamattardy Ortalyq sailau komissiiasyna ötınış beruge ündegen.
Sonymen qatar aiyptauda onyŋ Facebook paraqşasynda referendumǧa qatysty belsendılık tanytyp, Konstitusiia jobasyna bailanysty jiyn ötkızuge şaqyrǧany körsetılgen. Tergeu nūsqasyna sai, būl äreketter sailau prosesıne yqpal etu retınde baǧalanǧan.
Prokuror sottan däl osy jazany sūraǧan. Erjanov özıne taǧylǧan aiypty moiyndamaitynyn aityp, ükımmen kelıspeitının mälımdedı jäne apelliasiia beretının jetkızdı. Soŋǧy sözınde ol referendumǧa bailanysty ūstanymyn «qylmys emes» dep atap, özıne taǧylǧan aiypty söz bostandyǧyna qysym retınde baǧalady. Onyŋ aituynşa, būl ıs tek ony emes, Konstitusiiadaǧy pıkır bıldıru qūqyǧyn da qozǧaidy.
Ol biyl aqpan aiynyŋ soŋynda ūstalyp, bastapqyda 10 täulıkke qamalǧan. Keiın ekı ailyq qamauǧa sanksiia berılgen, al referendum ötkennen keiın üiqamaqqa auystyrylǧan. Aiyptau jaǧy onyŋ äleumettık jelıdegı jazbalary men ündeulerın negız etken.
Ükım äzırge zaŋdy küşıne engen joq, qorǧauşy tarap apelliasiiaǧa daiyndalyp jatyr.
