Qazaqstanda Qorǧanys-önerkäsıptık keşendı (QÖK) damytu qoryn kapitaldandyru jūmystary jürgızılude. Būl turaly QR Premer-Ministrı Oljas Bektenov deputattyq saualǧa bergen jauabynda aitty, dep habarlaidy "Adyrna" ūlttyq portaly.
Ükımet basşysy atap ötkendei, bügıngı taŋda Qordyŋ jarǧylyq kapitalyn ūlǧaitu mäselesı kün tärtıbınde tūr. Osy maqsatta respublikalyq biudjetten 120 mlrd teŋge böluge ötınım daiyndaldy. Sonymen qatar Qytai, BAÄ, Türkiia, Katar, Singapur syndy elderdıŋ investorlarymen investisiia tartu boiynşa kelıssözder jürgızılude.
Salany tehnikalyq retteu jüiesın bırızdendıru üşın 2024 jyldyŋ qaraşasynda Sauda jäne integrasiia ministrlıgı QÖK salasyndaǧy tehnikalyq baqylau jüiesın qūruǧa baǧyttalǧan Jol kartasyn bekıttı. Onda zerthanalyq synaqtarǧa jatatyn qaru-jaraq pen äskeri tehnikanyŋ naqty tızbesın anyqtau jäne 2026 jylǧa deiın Bıryŋǧai tehnikalyq baqylau ortalyǧyn qūru qarastyrylǧan.
Sonymen qatar, İndustriia jäne qūrylys ministrlıgı jeke qorǧanys qūraldaryn synauǧa arnalǧan zerthanany qūru jūmysyn da bastady. Būl maqsatta 2024 jylǧy 23 qyrküiekte «Steel Manufacturing» JŞS bazasynda chehiialyq Prototypa-ZM, s.r.o. kompaniiasymen 10 mlrd teŋgege tehnologiialyq jabdyqtardy jetkızu turaly kelısımşart jasaldy. Qūral-jabdyqtar 2025 jyldyŋ tamyz aiynda jetkızıledı dep josparlanuda. Zerthana 2026 jyldyŋ aqpanynda ıske qosylady.
