Özbekstannyŋ Nauai oblysynyŋ Kanimeh audanynda jasandy jauyn-şaşynǧa arnalǧan qondyrǧylar ornatyldy. Būl turaly Fermer.uz Telegram arnasy jazdy, dep habarlaidy “Adyrna” ūlttyq portaly.
Özbekstanda alǧaş ret ornatylǧan būl jaŋbyr şaqyru qūrylǧysy audan äkımınıŋ (hokim) bastamasymen, iaǧni Ruslan Ruzievtıŋ ūsynysymen jetkızılgen. Joba Qazaqstandaǧy Halyqaralyq Klimattyq Özgerıster Tehnologiialary Ortalyǧymen (ICCCT) bırlesıp jüzege asyryluda.
«Būl qūrylǧy atmosferadaǧy tabiǧi prosesterge äser etu arqyly būlttar men jaŋbyr tudyruǧa mümkındık beredı. Tehnologiia Özbekstanda alǧaş ret qoldanylyp otyr, onyŋ basty maqsaty – qūrǧaqşylyqpen tiımdı küresu jäne jaiylymdardyŋ jaǧdaiyn jaqsartu», – delıngen habarlamada.
Qondyrǧy mal şaruaşylyǧy men auyl şaruaşylyǧyn su közderıne täueldılıkten aryltuǧa, jaiylymdardy jaqsartuǧa jäne önımdılıktı arttyruǧa kömektesedı dep kütılude.
Aita ketsek, 2021 jyldyŋ küzıne qarai Qazaqstanda da jasandy jaŋbyr şaqyru tehnologiiasy engızıle bastady. «Būl tehnologiianyŋ negızınde auany elektrlık iondau ädısı jatyr, iaǧni ion generatorlary arqyly elektrondar taratylady», – dep tüsındırgen bolatyn Central Asian Center of Climate Change Technologies kompaniiasy.
Būl qūrylǧy bar būlttylyqty bırtındep küşeitıp, jauyn-şaşyn tudyruǧa mümkındık beredı. Jyldyq ortaşa jauyn-şaşyn mölşerı kemınde 30%-ǧa artuy tiıs.
Osyǧan orai bırneşe kün būryn Özbekstanǧa barǧan önertapqyş, jasandy jaŋbyr jauǧyzu tehnologiiasynyŋ avtory Altai Ainabek te būl jobaǧa atsalysqanyn mälımdedı.
“Nauai oblysynda 2025 jyldyŋ 20 säuırınde alǧaşqy ret ıske qosylǧan bızdıŋ tehnologiiamyz jasandy jauyn nyşan berdı. Jaqsy belgı. Soŋǧy jyldary Özbekstannyŋ quaŋşylyqtan zardap şegıp kele jatqan şarualaryna kömekke şaqyrtu alyp, jūmystarymyzdy bastadyq. Qūdai sätın salsyn, berekelı jaŋbyrlar bolsyn”,– dep jazdy ol.
Eske salsaq, byltyr Ortalyq Aziianyŋ suǧa mūqtaj, tūrǧyn sany köp elınıŋ bırı Özbekstanda auadan auyz su öndıretın jaŋa tehnika synaqtan ötken bolatyn.
