Qazaqstannyŋ Densaulyq saqtau ministrlıgı mektep oquşylarynyŋ tamaqtanuyn ūiymdastyruǧa memlekettık baqylaudy küşeitetının mälımdedı, dep habarlaidy "Adyrna" ūlttyq portaly.
Būl şeşım Maŋǧystau oblysy mektepterındegı balalardyŋ jappai ulanu oqiǧalarynan keiın qabyldanǧan.
Ministrlıktıŋ mälımetınşe, qazırgı qoldanystaǧy zaŋnama balalar jürgen barlyq oryndardy memlekettık baqylaumen tolyq qamtuǧa mümkındık bermeidı. Osyǧan bailanysty vedomstvo bılım beru mekemelerıne qatysty memlekettık baqylaudyŋ jaŋa täsılderın äzırlegen.
Jaŋa täsılderge säikes, balalar jiı baratyn oryndarǧa erekşe märtebe berıledı. Sonymen qatar, tekseru turaly aldyn ala habarlama jıberu alynyp tastalady jäne sanitariialyq-epidemiologiialyq talaptarǧa säikestıkke monitoringtık saparlar ūiymdastyrylady.
Maŋǧystau oblysyndaǧy mektep ashanalaryndaǧy jappai ulanudan keiın 72 bılım beru ūiymynyŋ tızımı jasalyp, jospardan tys tekseruler bastaldy. Bügıngı künge deiın 14 mektep ashanasy tekseruden öttı.
Ulanu faktılerın tergeu maqsatynda Oqu-aǧartu jäne Densaulyq saqtau ministrlıkterınıŋ, sondai-aq Bas prokuraturanyŋ ökılderınen qūralǧan vedomstvoaralyq jūmys toby qūryldy.
