Bügın — Türksıb temır joly ıske qosylǧan kün, dep habarlaidy «Adyrna» tılşısı.
Osydan 95 jyl būryn, 1930 jyldyŋ 1 mamyrynda Aziia men Sıbır aralyǧyn jalǧastyrǧan Türkıstan-Sıbır temırjolynyŋ aşylu saltanaty ötken edı. Būl temırjol Semei qalasynan Almaty arqyly Jambyl oblysynyŋ Lugovoi beketıne deiıngı aralyqty jalǧady. Ūzyndyǧy — 1452 şaqyrym.
Türksıbtı saludyŋ basty maqsaty – keŋes odaǧynyŋ maqtany şetelderden satyp aluǧa täueldılıgın joiu üşın oŋtüstık respublikalardaǧy egıstık jerlerdı maqtaǧa bosatyp, al ol jerlerdegı halyqqa qajet bidaidy Sıbırden, Qazaqstannan jetkızu bolatyn.
Temırjol qūrylysy 1927 jyly bastalyp, 1931 jyly tolyǧymen aiaqtalǧan. Qūrylys injenerı Mūhamedjan Tynyşbaev boldy. Jūmys küşı retınde 1929 jyly 40 myŋ, 1930 jyly 50 myŋ adam tartyldy. Resei men Ukrainadan mamandar, injenerler keldı. Al qara jūmystarǧa qyr qazaqtary tartylǧandyqtan, ūlttyq mamandar daiyndau qosa jürgızıldı. Türksıb jaily eŋbekterge süiensek, osy jyldary 10 myŋnan astam qazaq temırjolda eŋbek ettı. Eŋ bırınşı bolyp E-1441 parovozy qūrylys zattarymen jürıp öttı.
Tarih betterınde Türksıbtıŋ orny erekşe. Ol tek bır oblys emes, bükıl Qazaqstan, Orta Aziia, Sıbır ölkesı üşın de maŋyzdy jol toraby bolǧandyǧy ämbege aian. Jaŋa jūmys oryndaryna tartylǧan, otyryqşylyqqa köşken qazaqtardyŋ köbı osy joldyŋ arqasynda aşarşylyq jyldary aman qaldy. Sondai-aq, el astanasynyŋ Qyzylorda qalasynan Almatyǧa köşuıne yqpal ettı.
