Astanada belsendı Ermek Narymbai sot şeşımın oryndamaǧany üşın bes täulıkke äkımşılık qamauǧa alyndy, dep habarlaidy "Adyrna" ūlttyq portaly QazTAG-qa sılteme jasap.
«Osyndai äreketterdıŋ qaitalanbauyn qamtamasyz etu, äleumettık ädılettılıktı qalpyna keltıru jäne qūqyqbūzuşylyq jasaǧan adamdy tärbieleu, sondai-aq būl qūqyqbūzuşylyqtyŋ keleşekte Narymbaidyŋ özı jäne özge adamdar tarapynan qaitalanuyn aldyn alu maqsatynda sot Narymbai E.E.-nı bes täulık merzımge äkımşılık qamauǧa aludy dūrys dep esepteidı», – delıngen sot qaulysynda.
Qazaqstan Respublikasynyŋ Äkımşılık qūqyqbūzuşylyq turaly kodeksınıŋ 669-babynyŋ 1-bölıgıne säikes, būl bap boiynşa aiyppūl nemese bes täulıkke deiın äkımşılık qamau közdelgen.
Polisiia qyzmetkerı jasaǧan äkımşılık qūqyqbūzuşylyq turaly hattamada körsetılgendei, Ermek Narymbai 2025 jyldyŋ 20 nauryzy men 21 säuırı aralyǧynda Facebook äleumettık jelısınde äleumettık-ekonomikalyq jäne qoǧamdyq-saiasi taqyryptarda 10 jariialanym salǧan.
Sotta Narymbai özın būryn sottaǧan bapqa özgerıster engızılgenın aityp, endı ol bap negızınde qūqyqtaryn şekteuge bolmaitynyn mälımdedı jäne būl mäselenı Konstitusiialyq sotqa joldaudy sūrady. Alaida, sudia onyŋ būl ötınışın qanaǧattandyrmady.
Sottyŋ şeşımınde 2023 jyldyŋ 19 qyrküiegınde Almaty oblysy, Qonaev qalasynyŋ soty Narymbaidy qoǧamdyq qyzmetpen ainalysu qūqyǧynan aiyrǧany jäne oǧan äleumettık-ekonomikalyq, qoǧamdyq-saiasi taqyryptarda jariialanym jasauǧa, efirge şyǧuǧa, BAQ pen äleumettık jelılerde nemese özge de telekommunikasiia jelılerınde material taratudy tyiym salǧany atap ötılgen.
