Elımızde balalardyŋ terezeden qūlau oqiǧalary jiılep kettı. Jyl basynan berı Strategiialyq josparlau jäne jedel basqaru komandalyq ortalyǧyna balalardyŋ terezeden qūlauyna bailanysty 60 jazataiym oqiǧa turaly aqparat tüsken, dep habarlaidy
Bes bala oqiǧa ornynda qaza tapsa, 55 bala türlı jaraqat alyp, medisinalyq mekemelerge jetkızılgen.
21 mamyrda Qaraǧandy qalasynda köpqabatty üilerdıŋ bırınde 7-qabattan ekı jasar säbi qūlap tüstı. Qalalyq TJD mälımetınşe, bala oqiǧa ornynda köz jūmǧan. Däl osy künı Pavlodar qalasynda da bes jasar bala aşyq tūrǧan terezeden qūlap kettı. Qazırgı taŋda qyz travmatologiia bölımşesıne jatqyzylyp, em qabyldap jatty.
Tötenşe jaǧdailar ministrlıgı jyly mezgıldıŋ bastaluymen, sonymen qatar jazǧy mektep demalysy kezınde jyl saiyn osyndai oqiǧalar sany artatynyn mälımdedı.
Ministrlık mälımetınşe, byltyr osyndai 196 oqiǧa tırkelgen.
Eske salaiyq, būǧan deiın Pavlodarda 3-qabattyŋ terezesınen qūlap qaza tapqan 3 jasar büldırşınnıŋ anasy bes jylǧa bas bostandyǧynan aiyryluy mümkın ekenın aitqan edık. Ol balanyŋ qauıpsızdıgıne asa män bermegenı üşın aiyptalyp otyr.
«Balalardyŋ ömırı men densaulyǧynyŋ qauıpsızdıgın qamtamasyz etu jönındegı mındetterdı tiısınşe oryndamau (QK-nıŋ 141-baby, 2-bölıgı) faktısı boiynşa qylmystyq ıs qozǧaldy. Qaiǧyly oqiǧa kezınde balalar üide jalǧyz bolǧany anyqtaldy. Qazır bolǧan oqiǧanyŋ barlyq män-jaiyn anyqtau üşın tergeu ıs-şaralarynyŋ keşenı jürgızılıp jatyr»,—dep tüsındırdı oblystyq polisiia departamentınıŋ baspasöz qyzmetı.
