Özbekstan AES-ke qajettı salqyndatu jüiesın Majarstannan alady. Būl jönınde Uzatom agenttıgı men Majarstannyŋ «MVM EGI» memlekettık käsıporny atom energetikasy salasyndaǧy yntymaqtastyq kelısımıne qol qoidy, dep habarlaidy “Adyrna” ūlttyq portaly QazAqparatqa sıltep.
Qūjatqa säikes, «MVM EGI» käsıporyny Özbekstanda boi köteretın atom elektr stansiiasyna qajettı qūrǧaq salqyndatu jüiesın qūrastyryp, ony energetikalyq nysanǧa beiımdep ornatady.
Būǧan qosa taraptar ǧylymi zertteu jürgızu, öndırıstı Özbekstan aumaǧyna köşıru jäne qajettı infraqūrylym jasaqtauǧa uaǧdalasty. Resmi Taşkent pen Budapeşt AES-ke qajettı mamandardy bırlesıp oqytuǧa da niettı.
Uzatom agenttıgınıŋ direktory Azim Ahmedhadjaevtyŋ sözınşe, Majarstan qūrǧaq salqyndatu jüiesın qūrastyrudy 2026 jyly bastaidy.
Eske salaiyq, būǧan deiın Özbekstan bilıgı ırı AES salu mümkındıgın qarastyryp jatqanyn jazǧan edık.
Sonymen qatar qazırgı uaqytta resmi Taşkent az quatty AES saluǧa kırıstı. Ärqaisysynyŋ quaty 55 MVt bolatyn 6 reaktor (jalpy quaty — 330 MVt) Djizak oblysyndaǧy Tuzkan kölınde boi köteredı. AES-tıŋ alǧaşqy reaktory 2029 jyldyŋ soŋynda ıske qosylmaq. Al ol tolyq quatta 2033 jyldan bastap jūmys ısteidı dep josparlanǧan.
Jaqynda Kazinform agenttıgıne sūhbat bergen Uzatom agenttıgınıŋ direktory Azim Ahmedhadjaev energetikalyq nysannyŋ qūny 2 mlrd dollardan aspaitynyn aitty.
Osyǧan sai, Özbekstan men Resei AES salu kelısımşartynyŋ küşıne enu hattamasyna qol qoidy.
Sondai-aq AES salu üşın halyqaralyq konsorsium qūrylady.
