Özbekstannyŋ Ǧaryştyq zertteuler men tehnologiialar agenttıgı täuelsız el tarihyndaǧy alǧaşqy ǧaryşkerdı ǧaryşqa jıberu üşın jalpyūlttyq aşyq ırıkteu ötkızudı josparlap otyr. Būl turaly Spot agenttıgıne bergen sūhbatynda «Özbekkosmos» vise-direktory Mūhiddin İbragimov aitty, dep habarlaidy «Adyrna» tılşısı.
Ǧaryşkerdıŋ ūşuyn egjei-tegjeilı zertteu jūmysy 16 aqpanda prezident Şavkat Mirziioev qatysqan keŋesten keiın bastalǧan. Memleket basşysy ǧaryşkerdı jıberu mäselesı boiynşa arnaiy memlekettık komissiia qūrudy tapsyrǧan. Komissiia ümıtkerlerdı ırıkteu, daiyndau jäne ūşudy ūiymdastyrumen ainalysady. Irıkteu prosesınde damyǧan jäne damuşy elderdıŋ täjıribesı zerttelgen.
Ǧaryşkerlerge qoiylatyn talaptar joǧary bolady. İbragimovtyŋ aituynşa, densaulyq jaǧdaiy, fiziologiialyq körsetkışter, ǧylymi bılım deŋgeiı jäne şet tılderın meŋgeruı qaralady.
«Bız jalpyūlttyq ırıkteu ötkızgımız keledı», – dep atap öttı vise-direktor.
Alǧaşqy özbek ǧaryşkerı 10–14 künge sozylatyn qysqa merzımdı ūşuǧa daiyndalady. Ūşu naqty ǧylymi baǧdarlamany oryndauǧa baǧyttalǧan, onyŋ basym baǧyttary:
• Medisina men biologiia – qaşyqtan diagnostika, jergılıktı därılık ösımdıkterdıŋ tiımdılıgın zertteu;
• Ösımdık genetikasy – qūrǧaqşylyqqa jäne tūzǧa tözımdı sorttardy synau, jabyq agrobiojüielerdı modeldeu;
• Materialtanu – materialdar, mata men talşyqtardy jyludy jinau jäne şyǧaru tūrǧysynan synau.
Bırınşı özbek ǧaryşkerın daiyndau qanşa uaqytqa sozylatyny älı anyqtalmaǧan.
Sonymen qatar Özbekstanda özderınıŋ ǧylymi jasandy sputnigın jasau jūmystary jürgızılude, ony ūşyru 2028 jylǧa josparlanǧan.
