Darhan Satybaldy Almaty qalasynyŋ äkımı bolyp taǧaiyndaldy, dep habarlaidy “Adyrna” ūlttyq portaly.
Memleket basşysy Qasym-Jomart Toqaevtyŋ Jarlyǧymen Darhan Amangeldıūly Satybaldy Almaty qalasynyŋ äkımı bolyp taǧaiyndaldy. Ol būǧan deiın atqaryp kelgen lauazymynan bosatyldy.
“Memleket basşysynyŋ Jarlyǧymen Darhan Amangeldıūly Satybaldy Almaty qalasynyŋ äkımı bolyp taǧaiyndaldy, ol būrynǧy atqarǧan lauazymynan bosatyldy”, - delıngen Aqorda habarlamasynda.
Darhan Satybaldy 1974 jyldyŋ 26 nauryzynda düniege kelgen. Seifullin atyndaǧy Aqmola auylşaruaşylyq institutyn jäne Qazaq gumanitarlyq-zaŋ universitetın bıtırgen. Mamandyǧy — ekonomist-menedjer jäne zaŋger.
Ol är jyldary biudjettık josparlau, qarjy baqylau, ǧylym, ūlttyq qauıpsızdık, äkımşılık basqaru jäne sot jüiesın damytu salalarynda jauapty qyzmetter atqarǧan. 2013–2015 jyldary Şymkent qalasynyŋ äkımı, 2015–2017 jyldary Oŋtüstık Qazaqstan oblysy äkımınıŋ bırınşı orynbasary, 2018–2019 jyldary QR Parlamentı Senatynyŋ deputaty bolǧan.
Soŋǧy jyldary Türkıstan oblysyn basqarǧan Darhan Satybaldy 2025 jyldyŋ qaŋtarynda Prezident Äkımşılıgı basşysynyŋ bırınşı orynbasary qyzmetıne taǧaiyndalǧan edı.
Endı ol eldegı ırı megapolis – Almaty qalasynyŋ äleumettık-ekonomikalyq damuyn jaŋa deŋgeige şyǧaruǧa jauapty bolady.
Ūqsas jaŋalyqtar
