LRT-nyŋ alǧaşqy vagondary Qytaidan Qazaqstanǧa jöneltıldı

Qytaidyŋ Tanşan qalasynda ornalasqan «CRRC Tangshan Co., Ltd» zauytynan Astana qalasyna arnalǧan jeŋıl relstı kölık (LRT) jobasyna qajettı alǧaşqy ekı vagon jöneltıldı, dep habarlaidy "Adyrna" ūlttyq portaly. Būl turaly «City Transportation Systems» JŞS mälımdedı. Jöneltu räsımıne Qazaqstan tarapynan «City Transportation Systems» basqarma töraǧasy Asylbek Düisebaev, al Qytai tarapynan vagondardy öndıruşı zauyttyŋ basqarma töraǧasy Chjou Siunnian men bas merdıger CRAEC kompaniiasynyŋ bas direktory Chjou Haivei qatysty. Tanşan qalasyndaǧy zauytta barlyǧy 19 zamanaui, tört seksiialy, jürgızuşısız jüretın LRT vagony öndırıledı. Būl qūramdar avtomattandyrudyŋ törtınşı deŋgeiıne ie jäne ärbırı 650 jolauşyǧa eseptelgen. Atalǧan vagondar 1881 jyly qūrylǧan Qytai temırjol öndırısındegı eŋ köne jäne ırı käsıporyndardyŋ bırı – «CRRC Tangshan» bazasynda jasaluda. «Astanaǧa alǧaşqy ekı vagon mausym aiynda jetkızıledı. Qalǧan 17 qūram osy jyldyŋ soŋyna deiın jetkızıledı. Jelı boiynşa alǧaşqy synaqtardy qyrküiek aiynda bastau josparlanyp otyr», – delıngen «City Transportation Systems» taratqan resmi habarlamada. Qazırgı uaqytta Astanadaǧy LRT jobasy aiasynda qūrylys jūmystary qarqyndy jürıp jatyr. Jol töseu, stansiia qasbetterın montajdau, estakada tırekterı men arqalyqtaryn syrlau, syrtqy injenerlık jelılerdı qosu, estakada astyn abattandyru jäne depo qūrylysy jalǧasuda.