Saiasattanuşy Marat Şibūtov Telegram-arnasynda «Otandastar» qorynyŋ basqaruşy direktoryna Resei Federasiiasyna 50 jyl merzımge kıruge tyiym salynǧanyn jazdy, dep habarlaidy "Adyrna" ūlttyq portaly.
Şekteu 2023 jyly engızılgenımen būl aqparat köpşılıkke alǧaş ret jariia etılıp otyr.
Marat Şibūtovtyŋ mälımetınşe, qor — Qazaqstan Respublikasy Syrtqy ıster ministrlıgıne qarasty enşıles ūiym, iaǧni memlekettık qūrylym. Ol şeteldegı, äsırese Reseidıŋ Astrahan, Omby, Orynbor sekıldı şekaralas aimaqtaryndaǧy etnikalyq qazaqtardy qoldaumen ainalysady. Qor qyzmetkerlerı gumanitarlyq kömek körsetıp, qazaq ädebietın taratady, tıldı oqytuǧa jäne mädeni bailanystardy nyǧaituǧa atsalysyp keledı.
Alaida qazır qor jetekşılıgınıŋ Reseige baruyna tyiym salynuy – būl jūmysqa ülken kedergı keltırıp otyr. «Būdan bylai Reseidegı qandastarǧa kım barady? Tıldı, mädeni jobalardy kım jalǧastyrady?» – dep alaŋdauşylyq bıldırdı saiasattanuşy.
Sonymen qatar, Şibūtov Syrtqy ıster ministrlıgınıŋ ünsızdıgın synap, qordyŋ direktorlar keŋesınıŋ töraǧasy, vise-ministr Roman Vasilenkoǧa jäne ministr Mūrat Nūrtıleuge būl mäsele boiynşa reseilık tarappen söilestı me degen saual qoidy.
Mamandardyŋ pıkırınşe, mūndai tyiym – Qazaqstannyŋ Reseidegı gumanitarlyq jäne mädeni saiasatyna yqpal etuı mümkın maŋyzdy diplomatiialyq oqiǧa.
