2025 jylǧy mausymda Qazaqstan Respublikasy Ūlttyq Bankınıŋ Aqşa-kredit saiasaty komitetı bazalyq mölşerlemenı jyldyq 16,5% deŋgeiınde, +/- 1 p.t. dälızımen saqtau turaly şeşım qabyldady. Būl şeşım naqty derekter men jaŋartylǧan boljamdardy, sondai-aq infliasiia täuekelderınıŋ balansyn eskere otyryp qabyldandy.
Ekonomist Maqsat Halyq būl şeşımge qatysty oiymen bölıstı. Onyŋ aituynşa, qazırgı jaǧdaida bazalyq mölşerlemenı saqtau – infliasiiany baqylauda ūstaudyŋ maŋyzdy tetıgı.
«Naryqtaǧy artyq aqşany sol naryqtan aludyŋ bır joly – bazalyq paiyzdyq mölşerlemenı köteru nemese joǧary deŋgeide saqtau. Ūlttyq bank däl osy qūral arqyly infliasiiany auyzdyqtauǧa äreket etıp otyr», – deidı sarapşy.Ekonomistıŋ aituynşa, mölşerlemenıŋ joǧary boluy bankterdegı salymdardyŋ tabystylyǧyn arttyrady. Būl halyq pen biznes üşın teŋgede jinaq saqtauǧa yntalandyru tuǧyzyp, ekonomikadaǧy artyq ötımdılıktı azaitady. Al artyq aqşa massasynyŋ qysqaruy infliasiialyq qysymdy tömendetuge kömektesedı. Sarapşy sonymen qatar mūnai baǧasynyŋ tömendeuı men teŋgege syrtqy qysym küşeigen jaǧdaida bazalyq mölşerlemenı saqtau – ūlttyq valiutanyŋ tūraqtylyǧyn qoldaudyŋ da bır joly ekenın atap öttı.
«Mūnai baǧasy tömendep, eksport azaiǧan kezde tölem balansynyŋ tapşylyǧy artady. Būl teŋgege qysym jasaidy. Osyndai jaǧdaida joǧary paiyzdyq mölşerleme teŋge aktivterınıŋ tartymdylyǧyn saqtap, devalvasiialyq qysymdy bäseŋdetedı», – deidı Maqsat Halyq.Mamyr aiynyŋ qorytyndysy boiynşa jyldyq infliasiia 11,3%-ǧa jettı. Baǧa ösımınıŋ negızgı sebebı – retteletın tarifter men naryqtyq qyzmetterdıŋ aitarlyqtai qymbattauyna bailanysty servistık infliasiia. Azyq-tülık tauarlary boiynşa da baǧa ösımı jedeldedı. Ailyq infliasiia mamyrda 0,9%-ǧa jetıp, tarihi ortaşa deŋgeiden asyp tüstı. Al bazalyq jäne mausymdyq äserlerden tazartylǧan infliasiia tiısınşe 10,1% jäne 11,4% boldy. Maqsat Halyqtyŋ pıkırınşe, būl derekter ışkı sūranystyŋ artuy, öndırıs şyǧyndarynyŋ ösuı men fiskaldyq yntalandyrudyŋ äserı infliasiialyq qysymdy küşeitıp otyrǧanyn körsetedı. Mamyrda halyqtyŋ infliasiialyq kütulerı de joǧarylady – säuırdegı 12,2%-dan 14,1%-ǧa deiın östı. Būl naryqta infliasiiaǧa qatysty belgısızdık pen qūbylmalylyq älı de bar ekenın aŋǧartady.
«Sondyqtan däl qazır mölşerlemenı tömendetu erte bolar edı», – deidı sarapşy.Osylaişa, Ūlttyq banktıŋ mölşerlemenı 16,5% deŋgeiınde saqtau turaly şeşımı – halyqty teŋgelık aktivter jinaqtauǧa yntalandyratyn jäne infliasiiamen küreste maŋyzdy röl atqaratyn pragmatikalyq qadam deuge bolady.
Ūqsas jaŋalyqtar
