Soltüstık Qazaqstan oblysynda Ortalyq Aziiadaǧy eŋ ırı süt fermasy salynyp jatyr. Būl turaly 5 mausymda Auyl şaruaşylyǧy ministrlıgınıŋ baspasöz qyzmetı aitty, dep habarlaidy «Adyrna» tılşısı.
«Süttı mal şaruaşylyǧy salasyndaǧy auqymdy investisiialyq jobany «Zenchenko i K» senım serıktestıgı 2024 jyldan bastap Qyzyljar audanynyŋ Novonikolskoe auylynda ıske asyruda. 8000 bas ırı qara malǧa arnalǧan keşennıŋ qūny 9 mlrd teŋgenı qūraidy.
Būl süt keşenı Qazaqstanda ǧana emes, bükıl Ortalyq Aziiada eŋ ırı keşen bolmaq. Tolyq quatynda ol jyl saiyn şamamen 26 000 tonna süt öndıretın bolady»,—delıngen habarlamada.
Keşennıŋ jobalyq qūrylymyna 7 ǧimarat kıredı, olardyŋ ışınde ärqaisysy 1280 basqa arnalǧan 3 siyr qorasy bar. Keşennıŋ erekşelıgı – bır uaqytta 90 bas ırı qarany sauatyn joǧary tehnologiialy «karusel» tiptı sauu qondyrǧysynyŋ boluy. Būl saǧat saiyn 700 basqa deiın qyzmet körsetuge mümkındık berıp, öndırıs üderısınıŋ joǧary tiımdılıgın qamtamasyz etedı.
Aita keteiık, Soltüstık Qazaqstan oblysy süt öndırısı salasynda tūraqty ösım körsetıp keledı. 2023 jyly jalpy sany 11 000 bastan asatyn IQM-ǧa arnalǧan 19 joba qarjylandyrylyp, olardyŋ quaty jylyna 70 000 tonna süt öndıruge jettı.
