Şymkent soty “Dikii Arman” laqap atymen tanymal Arman Jūmageldievtıŋ sybailastaryna qatysty qylmystyq ıstı qaraudy aiaqtady. 6 küdıktıge qylmystyq toptyŋ müşesı dep aiyp taǧyldy, dep habarlaidy ”Adyrna” Otyrar portalyna sıltep.
Aqparatqa säikes, sot olardy auyr baptar boiynşa, atap aitqanda, bopsalau, qarudy zaŋsyz ainalymǧa salu, özıne-özı qol jūmsauǧa jetkızu jäne zaŋsyz bostandyqtan aiyru baptarymen kınälı dep tanydy.
Sottaluşylardyŋ törteuı bır jyldan jetı jylǧa deiın sottaldy. Mysaly, Arman Sartaev öz betımen äreket etıp, zaŋsyz bostandyqtan aiyrǧany üşın türmede 5 jylǧa juyq jazasyn öteidı.
Daur Täukev bopsalap jäne zaŋsyz qaru saqtaǧany üşın 7 jylǧa bas bostandyǧynan aiyryldy. Aidar Orazov — qaru saqtap, tasymaldaǧany üşın 4 jyl, al Ǧalym Aşyrov zaŋsyz bostandyqtan aiyrǧany üşın 1 jylǧa sottaldy.
Toptyŋ taǧy bır müşesı — Daulet Orazbai 1 jyl şartty jaza aldy. Ol qajettı qorǧanys şegınen asyryp, auyr dene jaraqatyn keltırgenı üşın jäne adamdy zaŋsyz bostandyqtan aiyrǧany üşın kınälı dep tanyldy.
Altynşy aiyptaluşy — Erasyl Toqtasyn — jäbırlenuşımen tatulasqan soŋ jauapkerşılıkten bosatyldy.
Sotta aiyptaluşylar öz kınäsän moiyndady. Sondai-aq olardyŋ kınäsı jasyryn tergeu äreketterımen, saraptama nätijelerımen jäne özge de däleldermen rastaldy. Ükım älı zaŋdy küşıne engen joq, taraptardyŋ apelliasiialyq şaǧym beru qūqyǧy bar.
Eske salaiyq, Arman Jūmageldiev 2022 jylǧy qaŋtardaǧy jappai tärtıpsızdıkterge bailanysty 20 jylǧa bas bostandyǧynan aiyrylǧan edı. Qylmys älemınıŋ serkesı jappai tärtıpsızdıkterge qatysyp, olardy ūiymdastyrǧany, adam ūrlap, onyŋ ölımıne sebep bolǧany, sondai-aq adamdy zaŋsyz bostandyqtan aiyrǧany üşın kınälı dep tanyldy. Oǧan 10 jyl boiy qoǧamdyq-saiasi jäne publisistikalyq qyzmetpen ainalysuǧa tyiym salyndy.
