Qazaqstan Prezidentı Qasym-Jomart Toqaev Amangeldı Omarbekovty qyzmetınen bosatty, dep habarlaidy "Adyrna" ūlttyq portaly.
Ol şamamen üş jyl boiy Qazaqstan Respublikasy Qauıpsızdık keŋesı janyndaǧy Jaǧdailyq ortalyqtyŋ meŋgeruşısı qyzmetın atqarǧan.
Būl aqparatty Aqorda baspasöz qyzmetı jariialady.
«Memleket basşysynyŋ ökımımen Omarbekov Amangeldı Orazalyūly Qazaqstan Respublikasy Qauıpsızdık keŋesınıŋ Jaǧdailyq ortalyǧynyŋ meŋgeruşısı qyzmetınen bosatyldy», - delıngen habarlamada.
Amangeldı Omarbekov 1982 jyly düniege kelgen. Ol Qazaq memlekettık zaŋ akademiiasynda qūqyqtanu mamandyǧy boiynşa joǧary bılım alǧan, sondai-aq Ūlttyq qorǧanys universitetınde äskeri jäne memlekettık basqaru baǧyty boiynşa magistraturany tämamdaǧan.
2005–2016 jyldar aralyǧynda arnaiy memlekettık organdarda qyzmet ettı. 2016 jyldan bastap 2022 jyldyŋ tamyzyna deiın Qazaqstan Respublikasy Qauıpsızdık keŋesı hatşylyǧynda inspektor, sektor meŋgeruşısı jäne hatşylyq meŋgeruşısınıŋ orynbasary lauazymdarynda jūmys atqarǧan. 2022 jyldyŋ tamyz aiynda Prezident ökımımen Qauıpsızdık keŋesınıŋ Jaǧdailyq ortalyǧynyŋ meŋgeruşısı bolyp taǧaiyndalǧan bolatyn.
