Neşe türlı qonaq bolady?

Esentemır Bölendı Asau şeşen qonaqqa şaqyryp otyryp:

– E, Böle! Sızden bır-ekı auyz söz sūraiyn, rūqsat pa? – deptı.
– E-e, şyraǧym, sūra! – deptı Bölen.

– Qūdaidyŋ bergenı, üiden qonaq ketpeidı. Bırı ketse, bırı keledı. Bıreulerı bır kelmeidı, bırneşe keledı. Osylardy kelınıŋız körıp: «Mynau taǧy kele jatyr ma?» – deidı. Būl netkenı? – deptı Asau.
– Ol – kelınnıŋ yrysy ketkenı, – deidı Bölen.
– Auyldyŋ jas balalary kärı qonaqty jaqtyrmaidy, sony kütu­den erınedı. «Osy şaldarǧa ne joq, qydyrdy, jedı, bırsypyra qyzyqty kördı, endı üilerınde jatsa qaitedı?» – deidı. Būl netkenı?
– Ol – balalardan erık ketkenı.
– Böle! «Qonaq – qoŋsy» deidı qazaq. Qonaq degen kım, qoŋsy degen kım?
– Qonaq degen – myna men, jylyna bır ret şaqyrumen kelemın. Qoŋ­sy degen – mynalar, – dep ainaladaǧy kısılerdı körsetedı. Pälennıŋ üiıne pälen kelıptı, baryp amandasaiyq dep keledı.
– Al Böle! Qonaq neşe türlı bolady?
– Qonaq tört türlı bolady:
Arnaiy qonaq,
Qūdaiy qonaq,
Qydyrma qonaq,
Qylǧyma qonaq.
Endı Bölen Asaudan:
– Jıgıttıŋ neşe jūrty bar? – dep sūraidy.
– Jıgıttıŋ üş jūrty bar dep oilaimyn, — deidı Asau:
Qaiyn jūrty – mınşıl,
Öz jūrty – künşıl,
Naǧaşy jūrty – synşyl.
Soŋda Bölen:
– Jıgıttıŋ tört jūrty bolatyn edı, bıreuın tastap kettıŋız.
Ol – elınıŋ azamaty. Bärınen de artyq sol edı-au! – deptı.