Qazaǧymnyŋ qolöner būiymdarynyŋ mänınde aşylmaǧan köp syr jatyr. Sol bır önerdı atadan balaǧa mūra etıp kele jatqan jerdıŋ bırı «Kök şoqy» şeberler auyly bolyp eseptelınedı. Elımızde älı künge deiın önerın jūrt estımegen azamattarymyz qanşama? Şeberler auyly tūrǧyndarynyŋ 80 paiyzy qolöner būiymdaryn daiarlaumen ainalysady eken.
Juyrda QazŪAU -dyŋ, Jüsıpbek Elebekov atyndaǧy estrada jäne sirk kolledjınıŋ, QazŪU-dyŋ studentterı «Adyrna» ūlttyq-etnografiialyq bırlestıgınıŋ ūiymdastyruymen bas qosty. Studentterge şeberler özderınıŋ şeberhanalaryn körsetıp, öz qolönerlerımen taŋystyrdy.
Pa, şırkın! Şeberlerdıŋ qoldarynan jasalǧan, ärbır oiu-örnegı äsem bezendırılgen zergerlık būiymdar men ärtürlı materialdardan jasalǧan er-tūrmandar jäne aǧaştan örnektelgen keremet dybys beretın san qily muzykalyq aspaptardy közben körıp, tanysqanǧa ne jetsın? Olardy öz qolymyzben ūstap, jasalu tarihymen tanysudaǧy erekşe sezımdı sözben aityp jetkızu qiyn. Mūndai maǧynaly saparlar ata-dästürge degen mahabbatty mazdata tüsırınde şek joq. Körkem qolönerge degen qyzyǧuşylyq studentterdı quanyşqa böledı.
Şeberlerdıŋ qolönerge degen süiıspenşılıgın aityp jetkızu mümkın emes. Ol jerden studentter Mūhtar Nauryzbaev, Seken Nūrǧaliev, Jūldyz Bazarbaev, Erbol Ahmetov atty qoldarynan bal tamǧan şeberlermen tanysyp, är būiymnyŋ şejıresınen habardar boldy. Mūhtar Nauryzbaevtyŋ aituynşa, Qorqyt atanyŋ qobyzy jide aǧaşynan jasalǧan. Öitkenı, Qorqyt meken etken syr boiynda jideden özge aǧaş öspeidı eken. Osy sydy taŋsyq derekterdıŋ özı jastardyŋ boiyna orasan ruh berdı.
Būl sapar ata-baba dästürın tanumen qatar, oqu oryndar arasyndaǧy bailanysty nyǧaituǧa sep boldy.
Aidana JAQANTAEVA,
QazŪAU-dyŋ studentı
