Jambyl oblysy boiynşa Qazaqstan studentter Aliansy respublikalyq studentter qozǧalysy oblys äkımdıgınıŋ densaulyq saqtau basqarmasynyŋ äleumettık tapsyrysy aiasynda öŋırdegı auruhana, emhana, äleumettık qyzmet körsetu mekeme qyzmetkerlerınıŋ qatysuymen palliativtı kömektı körsetu boiynşa bılıktılıgın arttyru seminar-treningı ūiymdastyrdy. Ekı künge sozylǧan seminar-trening nätijesınde jastar qozǧalysynyŋ belsendı müşesı sanalatyn 30 student palliativtı kömek körsetu qūzıretıne ie boldy. Säikesınşe būl erıktıler tobyn Jambyl medisinalyq joǧary kolledjı, «Taraz-Bolaşaq» medisinalyq kolledjı syndy oqu oryndarynda oqityn, käsıptık baǧdary bar jastardan qūrauǧa basa män berılgen.
Qazaqstan Respublikasy Prezidentınıŋ Jarlyǧymen jariialanǧan Erıktıler jylynda būl jastar kömektıŋ atalǧan türın jolǧa qoiu baǧytynda jūmys jürgızudı josparlap otyr.
«Erıktıler jyly qarsaŋynda palliativtı kömek şaralaryn da jolǧa qoiudy josparlap otyrmyz. Palliativtı kömek asa auyr jaǧdaida tösekke tanylǧan nauqastardy kütıp-baptaudy közdeidı. Bızdıŋ elımızde palliativtı kömektı erıktılıkpen ūştastyru jūmystary endı-endı jolǧa qoiylǧan. Säikesınşe bızde öz tarapymyzdan būl jūmystardy ūiymdastyruda «Qamqor» palliativtı kömek körsetu ortalyǧymen memorandum jasadyq Erıktıler osy ortalyqta qyzmet etetın bılıktı mamandardan därıs alady. Sodan soŋ jedel topqa qosylyp, ke mūqtaja adamdarǧa kömek körsetedı. Osy baǧytta 30 erıktı jūmys jasamaq. Bızdıŋ oblys üşın mūnyŋ özı ülken jetıstık sanalady», – deidı oblys boiynşa Qazaqstan studentterınıŋ Aliansy jastar qoǧamdyq bırlestıgınıŋ töraǧasy Qanybek Mūratbaev.
Şyndyǧynda öŋırdegı studentterdıŋ hal-ahualyn basty nazarda ūstaityn jastar qozǧalysynyŋ osynau batyl bastamaǧa qadam jasauy quantady. Negızınen palliativtık kömektı ūiymdastyruşy erıktıler dertı asqynyp, tösekke tanylǧan emdeluşılerdıŋ somatikalyq, psihikalyq jäne ruhani jaǧdaiyn jasaumen ainalysady. Mäselen Qazaqstanda onkologiialyq auru saldarynan bolatyn ölım körsetkışı tym joǧary. Bızdıŋ öŋırde de obyr auruynan 1000- ǧa juyq adam qaitys bolady. Iаǧni būl dertke şaldyqqan jandar respublikadaǧy hospistık jäne palliativtık kömek qajet etıletın negızgı auditoriiany qūrauşylar bolyp tabylady.
«ADYRNA»
ūlttyq portaly
