«Auyl şaruaşylyǧyn qarjylai qoldau qory» AQ käsıp bastaimyn degen azamattarǧa 6 paiyzben nesie berıp, şarualarǧa zor qoldau jasap jatyr. Būǧan deiın auyl şaruaşylyǧy baǧytynda nesie bergen qor taiaudan bastap qala azamattarynda qarjylandyrmaq.
Auyl şaruaşylyǧyn qarjylai qoldau qory qoi şaruaşylyǧyn qoldauǧa baǧyttalǧan nesieleu baǧdarlamalaryn jüzege asyrady. Jeŋıldıkpen berıletın nesie qarjyǧa şaǧyn şaruaşylyqtar ırı qara, ūsaq mal, jylqy, qūs, bal aralaryn satyp alady.
Respublikadaǧy mal şaruaşylyǧy keŋınen qanat jaiǧan Jambyl oblysynda qoi şaruaşylyǧymen ainalysatyn qojalyqtar köp. Solardyŋ bırı Jualy audany, Küreŋbel auylynda tūratyn «Dias» şarua qojalyǧynyŋ basşysy Möldır Baisaqalova. Ol «Sybaǧa» baǧdarlamasy arqyly nesie räsımdep, qoi şaruaşylyǧymen ainalysuǧa myqtap kırısken. Möldır Baisaqalovanyŋ aituynşa, qordyŋ nesie şarttary men talaptary oŋai jäne jeŋıldık merzımı bar qarastyrylǧan .
«Auyl şaruaşylyǧyn qarjylai qoldau qorynan «Sybaǧa» baǧdarlamasy arqyly 6,5 jylǧa 6 prosentpen 10 mln teŋge nesie räsımdep, oǧan 260 bas qoi men 9 qoşqar jäne maldyŋ jem-şöbın satyp aldym. Ekı adamǧa jūmys berıp otyrmyn. Özım 2008-jyly qarjyger mamandyǧy boiynşa joǧary bılım alǧanmyn. Bıraq, keŋsede jūmys ıstegennen görı şaruaşylyqpen ainalysqandy jön sanap, ıske kırısıp kettım. Negızı, malda bereke bar. «Mal ösırseŋ qoi ösır, tabysy onyŋ köl-kösır» degen söz bar ǧoi. Sol aitqandai, qoi şaruaşylyǧy mol tabys tabuǧa bolatyn sala dep esepteimın. Ärine, mal baǧu, ösıru degen qajyrly eŋbektı qajet etedı. Är jūmystyŋ öz beinetı bar, soǧan orai zeinetı de bolady. Sondyqtan, jūmystan qoryqpau kerek, dep oilaimyn. Adal eŋbekke ne jetsın? Aldaǧy uaqytta osy malymdy köbeitıp, etın eksportqa şaǧyrsam, degen josparym bar. Qordyŋ nesie şarttary men talaptary köŋılımızden şyǧady. Biyl Qordyŋ qūrylǧanyna 25 jyl tolyp otyr eken. Qūttyqtaimyn, osy salada jūmys ıstep jatqan barlyq azamattarǧa mol tabys, zor densaulyq tıleimın!», - deidı qojalyq basşysy Möldır Baisaqalova.
Qazırgı uaqytta şaruaşylyq basşysy Möldır Baisaqalovanyŋ qolynda et eksportymen ainalysatyn «Oŋtüstık halal taǧamdary» JŞS-men jasasqan qoi etın tapsyru kelısımşarty bar. Iаǧni, taiau uaqytta «Dias» şarua qojalyǧy qoi etı eksportyna üles qosady.
Auyl şaruaşylyǧyn qarjylai qoldau qorynyŋ Jambyl oblysyndaǧy filialy «Sybaǧa» baǧdarlamasymen 58 şaruaǧa 588 mln 897 myŋ teŋge nesie berıp, oǧan 17 702 bas qoi satyp alyndy.
«Sybaǧa» baǧdarlamasynyŋ basty maqsaty – et eksportynyŋ äleuetın arttyru. Sol üşın şarualarǧa barynşa jeŋıldıkter qarastyrylady. Auyl şaruaşylyǧyn qarjylai qoldau qory ūsaq mal basyn köbeituge nesie beredı. Nätijelı jūmyspen qamtudy jäne jappai käsıpkerlıktı damytu memlekettık baǧdarlamasy aiasynda qoi şaruaşylyǧyna 12 million teŋgege deiıngı nesie 6,5 jylǧa 6 prosentpen berıledı. 2 jylǧa deiıngı jeŋıldık merzımı qarastyrylǧan. Iаǧni, osy aralyqta şarua negızgı boryş pen üstemenı tölemeidı. Nesiege mal, tehnika jäne mal azyǧy satyp alynady.
Biyl Qordyŋ qūrylǧanyna 25 jyl. Osy uaqyt aralyǧynda jalpy somasy 312 mlrd teŋge bolatyn 152 myŋ nesie berıldı. Biylǧy jyldyŋ soŋǧy körsetkışı boiynşa barlyq baǧyttar boiynşa 51 mlrd 296 mln teŋgenı qūraityn 11 351 joba qarjylandyryldy.
«ADYRNA»
ūlttyq portaly
