QR Ortalyq kommunikasiialar qyzmetınde ötken brifing barysynda ŞQO äkımı Danial Ahmetov bılım beru salasyndaǧy jobalardyŋ nätijesı turaly mälım ettı.
Köptıldılık, joǧary bılım alu üşın mamandyqty dūrys taŋdau - jastar arasyndaǧy bäsekege qabılettılıktı arttyrudyŋ bırden-bır joly.
Üştıldılık baǧdarlamasy aiasynda 3,5 myŋ tıl mamany bılıktılıktı arttyru kursynan öttı. Qazaq jäne aǧylşyn tılderınde jaryq körgen 450 myŋnan astam jaŋa oqulyqtar satyp alyndy. Nätijesınde mūǧalımderdıŋ ädıstemelık qūraldy meŋgeru deŋgeilerı 14%-lan 80 % deiın östı. Al bılım sapasy 20% artty.
Biyl köptıldılıktı damytu baǧdarlamasy aiasynda fransuz jäne nemıs tılderın oqytu qolǧa alyndy. Aldaǧy üş jyldyŋ ışınde 3,7 myŋ mūǧalım bılıktılıkterın arttyrady. "Menıŋ mektebım" jobasy aiasynda 476 fizika, himiia, biologiia jäne robotty tehnika kabinetterı jabdyqtaldy. Oǧan mesenattar jalpy somasy 2,8 mlrd teŋgeden astam qarajat böldı. 647 IT-synyp aşyldy. Onda balalar robotty tehnika, 3D-modeldeu jäne baǧdarlamalau boiynşa tegın bılım aluda. Biyl oblystaǧy 371 şaǧyn komplektılı mekteptegı bılım sapasyn arttyru maqsatynda 2876 tehnika satyp alyndy. Osy mektepterde jūmys ısteitın 573 mūǧalım arnaiy kurstan öttı. Mūndaǧy maqsat - IT-klasstarda sabaq berudı meŋgeru.
Al robotty tehnika, mehatronika jäne baǧdarlamalau pänderınen sabaq beru üşın 1127 mūǧalım "IT-maman" kursynan öttı. Būl öz kezegınde jaratylystanu jäne ǧylymi baǧytaǧy bılım körsetkışın 44%-dan 66%-ǧa deiın arttyruǧa mümkındık berdı.
- Auyl men qaladaǧy bılım sapasynyŋ körsetkışterı teŋestı. Osylaişa, öŋırdegı barlyq bala IT-baǧdarlamalardy meŋgeruge qol jetkızdı, -dep atap öttı Danial Ahmetov.
Oblystaǧy mektepterdıŋ oquşylary IT-jarystarǧa qatysyp, būl salada zor jetıstıkterge jetude. Aǧymdaǧy jyldyŋ nauryz aiynda ötken Skills for geeks atty üş kezeŋnen tūratyn chempionatqa 277 top qatysty. Onyŋ ışınde audandardan 2134 bala keldı.
Biyl oblysta alǧaş ret "Jastar time” atty IT-hakaton öttı. Oǧan 14 komanda qatysty. 40-tan astam bala üzdık jobalaryn ūsyndy.
Jastar jylyna orai oblys ortalyǧynda 16-mamyr künı "Jastar time” atty VII-festival öttı. Onda mektepter men kolledjderden kelgen 200-den astam bala men studentter qatysty. 95 joba ūsyndy. Tört kezeŋ boiynşa baq synasty. Atap aitsaq, "Meikerlık", "Junior skills”, “Startup-jobalar", “Cluster Pro”’ jäne robo poligon kezeŋderı. Üzdık IT-jobalardy ūsynǧan qatysuşylar marapattaldy. Onyŋ ışınde mektep oquşylarynyŋ 10 Start-up jobasy ıske asyryldy. Olarǧa “Digital East - bolaşaqqa qadam" atty IT-forumda granttar taǧaiyndaldy. Osy maqsatty jalpy somasv 10,6 mln teŋge bölındı.
Osyndai jobalardyŋ arqasynda jastardyŋ injenerlık grafika, robotty tehnika jäne aviasiialyq jüienı pilotsyz basqaru, mehatronika salalaryna degen qyzyǧuşylyqtary artuda.
Aimaqtaǧy JOO-nyŋ bäsekege qabılettıgın arttyru jäne tülekterdıŋ şetelge ketuın azaitu maqsatynda "Bılıktı maman" jobasy ıske asyryluda. Künı bügınge deiın ŞQO-da eŋbek naryǧynda sūranysqa ie kadrlardy daiarlau üşın 1046 grant bölındı. Onyŋ ışınde 400-ı biyl taǧaiyndaldy. Būl 2016 jylǧy körsetkışpen salystyrǧanda şetelge ketetın tülekterdı 48%-dan 56%-ǧa deiın azaituǧa mümkındık berdı. Osylaişa, özge memleketterde bılım aluǧa niettı jastardyŋ sany 3 esege azaidy.
«Adyrna» portaly
Ūqsas jaŋalyqtar
