Şyǧys Qazaqstannyŋ turizm salasyndaǧy būl jaŋalyqpen oblys basşysy Danial Ahmetov bölıstı, dep habarlaidy QazAqparat tılşısı.
«Alaköl jaǧalauy bügıngı taŋda Qazaqstannyŋ basymdyqqa ie turistık oryndarynyŋ ondyǧyna kırdı. Soŋǧy 3 jylda infraqūrylymdy damytuǧa jäne abattandyruǧa 6,2 mlrd teŋge bölındı. Aldaǧy 4 jylda 28 milliard teŋgege taǧy 7 ırı infraqūrylymdyq jobany jüzege asyru josparlanyp otyr. Sol sekıldı Resei Federasiiasynyŋ Kurortologiia jäne fizioterapiia ǧylymi-zertteu instituty jyl boiy sauyqtyru turizmın damytu üşın köldıŋ emdık qasietterı boiynşa zertteu jūmystaryn jürgızgen bolatyn. Zertteu nätijelerınıŋ özı kölde sanatorii saluǧa bolatynyn körsetıp otyr», - dedı Danial Ahmetov OKQ-da ötken baspasöz mäslihatynda.
Aimaq basşysy sonymen bırge Alaköl jaǧalauynyŋ damuy biudjetke salyq tölemderınıŋ tüsımıne yqpal etetının jetkızdı.
«Byltyrǧymen salystyrǧanda biyl Alaköldıŋ tabys mölşerı 1,6 ese östı. Sonymen qatar oblysta medisinalyq turizmdı damytudyŋ barlyq alǧyşarttary jasaldy. Qazırgı uaqytta Qazaqstanda bes medisinalyq qyzmet - medisinalyq turizmdı damytuda artyqşylyqqa ie boluy mümkın. Olardyŋ üşeuı - kardiohirurgiia, neirohirurgiia, bırlesken protezdeu - Şyǧys Qazaqstan oblysynyŋ klinikalarynda bar», - dedı ol.
«Adyrna» portaly
Ūqsas jaŋalyqtar
