Qazaq elı Täuelsızdıktıŋ arqasynda tolaiym tabystarǧa qol jetkızdı. Azattyqtyŋ arqasynda memleket qūruşy qazaq ūltynyŋ üles salmaǧy artyp, memlekettık tıldıŋ mereiı üstem boldy. Būdan bölek halyqtyŋ sany köbeigen saiyn äleumettık nysandarǧa sūranys artty.
Mäselen Jambyl oblysynda Täuelsızdıktıŋ 28 jylynda 870-ten astam äleumettık nysan boi kötergen eken. Oblysta Täuelsızdık jyldary äleumettık sala aitarlyqtai körsetkışke qol jetkızdı desek, osy uaqyt aralyǧynda öŋıre 871 äleumettık nysan salynǧan. Atap aitar bolsaq, 28 jylda barlyǧy 245 bılım, 126 densaulyq saqtau, 500-ge tarta sport nysandary jaŋadan boi köterıp, esıgın aiqara aşqan.
«Täuelsızdık alǧan jyldardan bastap, öŋırde 126 medisinalyq nysan salyndy. Qazır jalpy sany 391 densaulyq saqtau ūiymy tūraqty qyzmet körsetedı. Tiısınşe salany qarjylandyru da ondaǧan esege artqan. Mäselen, 2000 jyly salaǧa bölıngen qarjy 2 milliard teŋge bolsa, aǧymdaǧy jyly ol körsetkış 61,4 milliardqa jetıp otyr», – deidı oblystyq Densaulyq saqtau basqarmasynyŋ basşysy Marat Jūmanqūlov.
Aimaqta «Jasyl ekonomika» baǧytyndaǧy jūmystar da köş ılgerı. Būl sala äsırese, 2010 jyldan berı qarqyn aluda. Qazır kün, su jäne jelden quat öndıretın 11 elektr stansasy jūmys ıstep tūr. Olardyŋ jalpy quatylyǧy 169 megavatt. Aita ketu kerek, qazır jergılıktı tūrǧyndar balamaly energiia közderınen öndırıletın energiianyŋ 20 prosentın tūtynyp otyr.
«Bügınde öŋırde taǧy bes jobanyŋ qūrylysy jürgızılude. Olardyŋ jalpy qūny 118,5 milliard teŋge, quattylyǧy 233 megavatty qūraityn bolady. Ekı jobany biyl jyl soŋyna deiın ıske qosudy josparlap otyrmyz», – deidı oblystyq energetika jäne TÜKŞ basqarmasy basşysynyŋ orynbasary Qūdaibergen Qorǧanbaev.
Aita keteiık, Täuelsızdık jyldary aimaqta atqarylǧan jūmystardy auyz toltyryp aituǧa bolady. Aitalyq, oblys biudjetı soŋǧy 15 jylda 12 esege artqan. Biyldyŋ özınde öŋırdıŋ ekonomikalyq körsetkışı 5 prosentke ösken. Öndırıs kölemı 6,5, jeke investisiia 20 prosentke jettı. Biyl jyl basynan berı 430 myŋ şarşy metr tūrǧyn üi paidalanuǧa berıldı. Bır sözben aitqanda, Jambyl oblysy Täuelsızdık jyldarynda tolaiym tabystarǧa qol jetkızıp, qaryşty damu jolyna tüstı.
«ADYRNA»
ūlttyq portaly
