«Nūr Otan» halyqtyq demokratiialyq partiiasynyŋ şılde aiynda jariialaǧan «Tılge qūrmet — elge qūrmet» baiqauynyŋ jeŋımpazdary anyqtaldy. Esterıŋızde bolsa, būl baiqau bes nominasiia boiynşa üzdık jurnalister men internet portaldardy anyqtaǧan bolatyn. «Adyrna» ūlttyq-etnografiialyq portaly «Memlekettık tıldegı eŋ üzdık internet joba» atalymy boiynşa top jardy. Jeŋımpazdardy «Nūr Otan» HDP-synyŋ hatşysy, saiasattanuşy Erlan Qarin öz qolymen marapattap, arnaiy syilyqtaryn tabys ettı.
Biyl būl doda tıl merekesı qarsaŋynda törtınşı ret ūiymdastyryluda. Ūiymdastyruşylardyŋ aituynşa, jariialanǧan konkursqa qatysamyn deuşıler respublikanyŋ barlyq aumaǧynan tabylǧan. Söitıp, baiqau komissiiasynyŋ qarauyna 300-ge juyq material ūsynylypty. «Olardyŋ ışınde eŋ köbı baspa şyǧarylymdarynyŋ basylymdary, sonymen qatar tele jäne radio baǧdarlamalary», deidı «Nūr Otan» HDP-nyŋ qyzmetkerlerı. Sondai-aq ötınışterdıŋ sany boiynşa ekınşı orynda 50-ge juyq ötınış bıldırgen «Memlekettık tıldı damytu jönındegı üzdık joba» atalymy tūr. Al «Memlekettık tılge qoldau körsetuge jäne nasihattau ısıne üles qosqan üzdık ūiym» atalymy boiynşa 20-dan astam memlekettık jäne ükımettık emes ūiymdar ötınış bıldırıptı. Esesıne «Memlekettık tıldegı üzdık internet joba» atalymy boiynşa eŋ az ötınış tüsken. Degenmen, baiqaudy ūiymdastyruşylar būl atalym boiynşa qatysuşylardyŋ sany ötken jylǧa qaraǧanda köbırek ekenın aityp otyr. Demek, qazaq tılı öz şekarasyn internet-keŋıstıkte de belsendı keŋeiıp jatqandyǧyn däleldeidı.
Syiaqylar men diplomdardy partiia hatşysy Erlan Qarin tabystap, «Nūr Otan» partiiasy özınıŋ baǧdarlamalyq qūjattarynda memlekettık tıldıŋ ornyn erekşe aiqyndap, eldı jäne halyqty bırıktıruşı basty faktorlarynyŋ bırı retınde qarastyratynyn aita kettı.
Baiqaudyŋ jeŋımpazdary: «Jas qazaq ünı», Temırtau qalalyq «Qūryş qala» gazetterınıŋ, «Qazaqstan» telearnasynyŋ Kökşetau, Öskemen qalalyq bölımderınıŋ, «Astana» radiosynyŋ jurnalisterı, sonymen qatar «Adyrna», «Qasym.kz» internet portaldary, «Aigölek» jurnaly redaksiiasy jäne basqalar.
Sanduǧaş SŪLTANQYZY
