Qazaqstan Respublikasynyŋ Prezidentı Qasym-Jomart Kemelūly Toqaevqa. Elbasy, Qauıpsızdık keŋesınıŋ töraǧasy, "NŪROTAN" partiiasynyŋ töraǧasy Nūrsūltan Äbışūly Nazarbaevqa Şyǧys Qazaqstan Oblysy, Zaisan audany, Zaisan qalasy. Erkebūlan Zaǧyparovtan Jurnalistık zertteu
"Et sasysa tūz sebedı, tūz sasysa ne sebedı?" Soŋǧy uaqytta Şyǧys Qazaqstan oblysy Zaisan audanynda sybailas jemqorlyqqa bailanysty zaŋsyzdyqtar beleŋ ala bastady. El Prezidentı sybailas jemqorlyqty qataŋ baqylauǧa alǧandyǧyn sonymen qatar tabiǧi bailyqtardy qataŋ qorǧaudy tapsyrǧan bolatyn. Prezidenttıŋ atalǧan tapsyrmalary Zaisan audanynda qalai jüzege asyp jatyr degen sūraq qoiylsa, basşylardyŋ zaŋsyz äreketınen kerısınşe äreketter jasalyp jatqany körınedı. Audanǧa äkım bolyp kelgelı 9 aidyŋ jüzı bolǧan Aqtanov Serık Qasymbekūly audandaǧy qol astynda jürgen bıraz memlekettık qyzmetkerlerdı sybailas jemqorlyq äreketterge özı itermelep jasatyp otyr degen derekter bar. Atap aitsaq 2019 jyly jaz aiynda Zaisan qalasy jäne 7 auyldyq okrugterıne jäne Zaisan qalasyna sporttyq alaŋ "Vorkauttar" saluǧa oblystyq biudjetten transfert retınde qarjy bölıngen. Bır vorkaut salu üşın är auylǧa 10 mln teŋge, Zaisan qalasynada 10 mln teŋge qarjy jūmsalǧan. Bügıngı taŋda audanǧa qarasty 7 auyl okrugınıŋ jäne Zaisan qalasynyŋ äkımı vorkaut boiynşa memlekettık satyp alu zaŋynyŋ, normalaryn öreskel būzǧandary üşın 2-retten äkımşılık qūqyq būzuşylyq äreketterı üşın jauypkerşılıkke tartylyp, olarǧa jaza retınde är qaisysyna 500 myŋ teŋge kölemınde aiyppūl salynǧan. Sonda osynşama aiyppūl tölep otyrǧan äkımder ne büldırdı desek, Qazaqstan Respublikasynyŋ memlekettık satyp alu zaŋyna säikes jergılıktı äkımderge 1-jyl ışınde 3 myŋ eseptık körsetkış kölemınde (2019 jyly 7 mln 575 myŋ) teŋgege deiın jūmyspen qyzmet türlerın bır közden satyp ala alady degen norma bar. Būl degenımız osyndai jūmysty atqaruǧa olar kez kelgen qolynan ıs keletın käsıpkerdı tarta alady degendı bıldıredı. Alaida qūny 3 myŋ eseptık körsetkışten asatyn jūmystarǧa äkımder memlekettık satyp alu zaŋdylyǧyna säikes konkurs ötkızuge mındettı bolǧan. Bıraqta bızdıŋ 7 äkım vorkaut qūrylysnyŋ jūmysyn İP "Mūratbek Jaŋqūt" degen käsıpkerge beru maqsatynda 10 mln-dyq vorkaut jūmysyn qaǧaz jüzınde ekıge bölgen - balalar alaŋy, ülkender alaŋy degızıp. 10 mln teŋgenı är qaisysy 5 mln teŋgege bölıp İP "Mūratbek Jaŋǧūtqa" bır közden satyp alyndy dep är qaisysy 2-den şart jasasqan. Bız bıletın äkımder joǧaryda jazylǧan sybailas jemqorlyqqa qatysty osy äreketterdı audan äkımı S.Aqtanov jasatqanyn aşyq aityp otyr. Däl osy vorkaut mäselesı boiynşa joǧarydaǧy 8 äkım qūrylys zaŋynyŋ tärtıbın būzǧany üşın, qosymşa äkımşılık qūqyq būzuşylyq jasaǧandary üşın jauapkerşılıkke tartylyp 202 myŋ teŋgeden aiyppūl salynǧan. Osy zaŋsyzdyqtar syrtynda 2019 jyly jaz aiynda Zaisan qalasynyŋ 8 köşesınde aǧymdaǧy jöndeu jūmystaryn ötkızu üşın 24 mln teŋge şamasynda qarjy bölıngen bolatyn. Atalǧan jūmystardy atqaru üşın qala äkımşılıgı memlekettık satyp alu zaŋynyŋ talaptaryna säikes aşyq konkurs ötkızuge tiıs bolǧan. Sebebı jūmystyŋ qūny 3 myŋ eseptık körsetkışten üş ese asyp tūrǧan. Alaida būl mäselelerde de, zaŋ talaptary öreskel būzylyp, atalǧan jūmysqa bölıngen qarjy tört bölıkke bölşektenıp, audan äkımı S.Aqtanovtyŋ tapsyrmasyna säikes Öskemen qalasynda ornalasqan "Evraziia" JŞS-nyŋ memlekettık satyp alu zaŋynyŋ bır köz täsılımen delınıp, tört şart jasaldy. Deputat Q. Sairanov osy zaŋsyzdyqtardy, joǧarydaǧy jazylǧan sybailas jemqorlyq əreketterdı audandyq mäslihattyŋ 2019 jyly 24 jeltoqsanynda ötken sessiiada qozǧap aitqan eken. Sol sessiiada Q.Sairanov deputattardan," "Nūr Otan" partiiasynan bırıkken komissiia qūryp, əkımderdı zaŋsyzdyqqa itermelep otyrǧan tūlǧany anyqtap, jauapqa tartqyzaiyq" degen. Alaida osyny estıp, bılıp otyrǧan prokuratura, Zaisan aimaqtyq sybailas jemqoryqpen küres basqarmasy eşqandai jūmys jasamady. Köşe jöndeu jūmysyna bailanysty audan äkımı S.Aqtanovtyŋ tarapynan jasalǧan taǧy bır zaŋsyzdyq şyǧyp jatyr. Ol atalǧan "Evraziia" JŞS Zaisan köşesıne tas qiyrşyq tas tögude Keŋsai auyldyq okurugıne qarasty jerden, zaŋsyz qiyrşyq tas qazyp alyp, tabiǧatqa ziian keltırgendıgı, osy mäsele boiynşa qazırgı kezde audandyq ışkı ıster bölımı tarapynan qylmystyq ıs qozǧalyp, sotqa deiıngı tergeu amaldary jürgızılıp jatyr. Osy "Evraziia" JŞS-na qiyrşyq tas qazyp aluyna oryn belgılıep berude S.Aqtanov zaŋsyz tapsyrma berıp, ekı äkımdı mäjbürlegen. Sonda audan äkımı S.Aqtanov Prezidenttıŋ tabiǧatty qorǧauǧa qatysty tapsyrmasyna qarsy ma? Būl jerde bır qyzyǧy, qyzyǧy emes şyjyǧy köşelerge aǧymdaǧy jūmys ötkızedı degen "Evraziia" serıktestıgınen jūmys jasauǧa eşqandai tehnika kelmegen. Tek ekı jıgıt kelıp audan, qala äkımderımen şarualaryn şeşıp, tehnika jaldap jūmys ıstedı. Būl jerde Zaisan audanyndaǧy jol jöndeumen äbden maşyqtanǧan jergılıktı käsıpkerler, şaruaşylyq serıktestıkterı nege osy jūmysqa tartylmaǧan. Olarda mamanda, tehnikalarda jetkılıktı. Onyŋ sebebı bıreu-aq. Olar S.Aqtanovtyŋ köŋılınen şyqpaǧan boluy kerek. Kezektı bylyq Zaisannyŋ Kondiurina köşesındegı "Kıtaptar älemı", "Rahat" sauda üiı tūsyndaǧy Arbat qūrylysynda oryn alyp otyr. Ol qūrylysqa 23 mln 515 myŋ. 5 teŋge bölıngen. Osy Arbat qūrylysyn jürgızude S.Aqtanovtyŋ tapsyrmasy boiynşa " COMPANY COLD" JŞS-na qarajatty zaŋsyz törtke bölşektep, memlekettık satyp alu zaŋynyŋ bır közden degen täsılımen atalǧan serıktestıkpen tört şart jasasqan. Bız osynşama zaŋsyzdyqtarǧa özıne baǧynyşty memlekettık qyzmetkerlerdı sybailas jemqorlyq äreketterge itermelep otyrǧan audan äkımı S.Aqtanovtyŋ zaŋsyz äreketterıne Respublika deŋgeiınde tosqauyl qoiyp, tekserıp, şara qoldanuyn talap etemız. ŞQO boiynşa Prokuratura, Sybailas jemqorlyqqa qarsy ıs-qimyl Agenttıgı tarapynan keletın tekserıske kümänmen qaraimyz. Sebebı joǧaryda jazǧan bylyq-şylyqtyŋ köbın Zaisan qalasynyŋ tūrǧyny Almagül Qūrmaşqyzy Ahmetjanova jazǧan eken. Osyǧan bailanysty jürgızılgen qarjy baqylau organdary joǧarydaǧy faktılerdı anyqtaǧan. Alaida künı bügınge deiın eş nätije joq. Sondyqtan osy hattyŋ bır danasyn Prezident Q.K.Toqaevqa, Elbasy, Tūŋǧyş Prezidentımız, "NūrOtan" partiiasynyŋ töraǧasy Nūrsūltan Nazarbaevqa joldauǧa mäjbürmız. Sebebı bızdıŋ tüsıngenımız Zaisan audanynyŋ äkımı S.Aqtanovqa Şyǧys Qazaqstan Oblysynda "Äi, deitın aja, qoi deitın Qoja joq" körınedı. Öitkenı joǧarydaǧy bylyqtan basqa basşylyq kadr taŋdau, taǧaiyndau mäselesınde de özı bılgenın ıstep jatyr. Ol mäsele turaly bölek juyq arada jazylady.
"Adyrna" ūlttyq portaly
