Ishki ister mınıstri Erlan Turǵymbaev Qordaıdaǵy jappaı tártipsizdikter kezinde 47 adam ustalǵanyn budan buryn da aıtqan bolatyn.
"Qazirgi kezde 47 adam ustalyp, polıııa bólimshesine jetkizildi. Olardan eki ańshy myltyǵy tárkilendi. Sotqa deıingi tergeý sharalary Qylmystyq kodekstiń 272-baby (jappaı tártipsizdikterdi uıymdastyrý jáne qatysý) men 99-baby (adam óltirý) boıynsha júrgizilip jatyr", - dedi Turǵymbaev baspasóz máslıhatynda.
Bul máselege qatysty oqıǵa ornynan "Adyrna" ulttyq portalynyń tilshisi Ońǵar Qabden bylaı dep habarlady.
Qazir halyq ustalǵandardyń barlyǵyn bosatýdy talap etip, toptasyp otyr. Tilshimizdiń aıtýynsha, oqıǵa ornyna oblys ákimi Asqar Myrzahmetov kelip, qamaýǵa alynǵandar bosatylatynyn aıtyp halyqty tynyshtandyrǵan.
"Biraq jınalǵan el sonda da taramaı, «jigitter aldymyzǵa kelmeıinshe ketpeımiz, qamalǵandar túgel bosamaıynsha taramaımyz» dep toptasyp otyr. Bul araǵa jınalǵandardyń sany shamamen 300 adam. Jergilikti turǵyndar resmı málimetterge senbeıdi. Olardyń aıtýynsha, jaralanǵandar men qaıtys bolǵandardyń sany resmı derekten áldeqaıda kóp bolýy da múmkin",-deıdi Ońǵar Qabden.
Osy oqıǵaǵa baılanysty Qordaı aýdany, Sortóbe aýylynda saǵan 17:00-de Premer mınıstrdiń orynbasary Berdibek Saparbaevpen brıfıng bolady. Máseleniń mán-jaıy sol jerde naqty aıtylady.
