Jambyl oblysynyŋ Qordai audanynda tuyndaǧan tūrmystyq kikıljıŋ jappai tärtıpsızdıkke ūlasyp 7 aqpanda Masanşy auylynda janjal şyǧyp, keiın töbeleske körşı Auqatty jäne Būlan batyr auyldarynan kelgen tūrǧyndar qosylǧan. Ekı jaq bır-bırıne tas laqtyryp, taiaqpen ūrǧan. Tıptı, qaru da qoldanǧan. Qaqtyǧys saldarynan 10 adamnyŋ qaza bolyp, 40-tan astamy jaraqat alǧany belgılı boldy.
Qazaqstan prezidentı Qasym-Jomart Toqaev tıkelei efirge şyǧyp, mälımdeme jasady. Ol qaza bolǧandardyŋ otbasyna köŋıl aityp, zardap şekkenderge kömek körsetıletının aitty. Memleket basşysynyŋ tapsyrmasymen ükımet komissiiasy qūryldy.
Qordai audanynda bolǧan oqiǧa kezınde 36 tūrǧyn üi, 11 kommersiialyq nysan, 44 avtokölık örtenıp, 40-qa juyq üidıŋ terezelerı qiraǧan. Keşelı berı auyldardyŋ ışın tazartu jūmystaryna 30 tehnika, 125 adam jūmyldyrylǧan. Şyǧyn kölemı eseptelıp jatyr.
"Adyrna" ūlttyq portaly
https://youtu.be/cKtyckyMmAw
