«Chyn Chııýshy qaıda ketti?» Sońǵy birneshe kúnde álem elderindegi jeli qoldanýshylary osy bir qytaı jýrnalıske izdeý salyp jatyr. Ol Gonkong daǵdarysy kezinen bastap álemniń birqatar eline tanymal bolǵan. Áleýmettik jeli qoldanýshylary ony beıtarap aqparat taratýshy, azamattyq jýrnalıs retinde biledi.
Ýhan qalasynda tótenshe jaǵdaı jarııalanyp, qalaǵa karanıtn qoıylǵan kezde Chyn Chııýshy sol qalaǵa baryp, álem jurtshylyǵyna Ýhanda ne bolyp jatqany týraly anyq málimet berý úshin barǵanyn bildirip vıdeo joldaýyn jasaǵan. Onyń «Shı Jınpıńniń (Qytaı basshysy) qaıda ketkenin bilmeımin, al men Ýhanǵa keldim» degen sózi áleýmettik jeli de keń tarap ketken bolatyn.
Budan 6 kún buryn atalǵan jýrnalıst iz-dereksiz joǵalyp ketken. Oǵan deıin jýrnalıs Ýhandaǵy ortalyq emhanadan jáne ózi turatyn qonaq úıden ár kúni vıdeo málimdemeler jasap turǵan bolatyn. Al, búgin onyń dosy ári YouTube jelisinde «Beıjińdik jeke batyr» degen laqap atpen belgili Qytaı azamaty tikeleı efırde jýrnalıs Chyndy qaýipsizdik qyzmetkerleri úı qamaýyna alǵanyn málimdegen. Ol jáne dosynyń densaýlyǵy jaqsy ekenin aıta kelip, ózinde bar barlyq málimetti aıtyp berý onyń bas amandyǵyna qaýip tóndiretinin aıtqan.
Chyn jarııalaǵan vıdeo joldaýlar YouTube jelisinde birneshe mıllıon . Sondaı-aq, onyń iz dereksiz ketýi qytaı tildi jáne birqatar álem elderiniń jeli qoldanýshylary arasynda talqy taqyrybyna aınalǵan. Tipti, keıbir jeli qoldanýshylary jýrnalıs Chyn Chııýshynyń joǵalyp ketýi Qytaı úkimetiniń álde neni jasyrǵysy kelgenin, múmkin vırýs jaǵdaıy resmı málimetterden álde qaıda aýyr ekeninen derek beredi dep qaraıdy. “
