Qordai audany Masanchi auylynda adamnyŋ mäiıtı tabyldy. Būl turaly "Adyrna" portaly oblys äkımınıŋ keŋesşısıne sılteme jasap habarlaidy.
Eske salaiyq, 7 aqpanda Jambyl oblysy Qordai audany Masanchi auylynda tūrǧyndar arasynda jappai töbeles bolǧan edı. Jappai töbeleske resmi derek boiynşa 300-ge juyq adam qatysqan. Şet el baspasözı oqiǧany ūltaralyq qaqtyǧys dep baǧalasa, prezident Toqaev būzaqylyq dep ataǧan bolatyn.
"2020 jyldyŋ 11 aqpanynda saǧat 12:07-de Jambyl oblysy Polisiia departamentınıŋ kezekşı bölımıne, Qordai audanynyŋ Masanchi auylynda, sauda ortalyǧy ǧimaratyn (örtten keiın şatyrdyŋ qūlauy bolǧan), tazartu kezınde, qiraǧan üiındılerdıŋ astynda adamnyŋ küigen denesı tabyldy. Mäiıttıŋ jeke basyn anyqtau üşın sot-medisinalyq saraptama taǧaiyndaldy. Jedel aldyn-alu şaralary jürgızılıp jatyr", - dep jazdy Jambyl oblysy äkımınıŋ keŋesşısı Qanat Qūlşmanov Facebook jelısındegı paraqşasynda.
"Adyrna" ūlttyq portaly Qordai oqiǧasy kezınde taǧy bır adamnyŋ joǧalyp ketkenın jazǧan bolatyn. Masanov Mūrat esımdı azamat tanystarynyŋ aituynşa, bır üidıŋ jalǧyz balasy eken. Ekı qabatty üiden tabylǧan mäiıttıŋ Mūrattıkı bolu yqtimaldyǧy 50de50 paiyz deidı auyl tūrǧyndary.
"Adyrna" ūlttyq portaly
