Táýelsiz jýrnalıst Robın Akroıd «Uly qolbasshy Shyńǵyshannyń joǵalǵan molasyn taptym» dep, jarty álemge jar saldy.
«Bul málimdeme onyń — «Shyńǵyshan: Kıeli Mazar, jumbaq qazyna» (“Genghis: Sacred Tomb, Secret Treasure”) kitabyna engen», — dep habarlaıdy brıtandyq Rressgazette basylymy (29 qańtar, 2016 jyl).
Akroıd belgisiz molanyń orny soltústik Mońǵolııadaǵy bıik taýdyń basynda dep esepteıdi. Onyń janynda nemeresi Qubylaıdyń jatqany jaıly da aqpar beredi.
Ol atty ekspedıııa qatarynda saıyn dalany kezip, kóshpendiler arasynda ómir súrip, «Úlken Jumbaq Ǵıbadathana» shólimen 700 km júrip shyqqan.
Jýrnalıst Uly qolbasshynyń 1227 jyldyń tamyzynda qazirgi soltústik Qytaı aýmaǵynda dúnıe salǵanyna qaramastan, denesi jerlenýi úshin Mońǵolııa aýmaǵyna jetkizilgen degen qorytyndyǵa kelipti.
Ol óz kitabynda: «Shyńǵyshan Qytaı jerindegi Ishki Mońǵolııalyq Ordosta jerlenbegen. Onyń ataqty kesenesi jáı ǵana eskertkish. Sonymen qatar, han jerlengen jerdi uranhaı taıpasy kúzetken. Olar salyq pen áskerı qyzmetten bosatylǵan. Sol sebepti, qaǵandy jerge tapsyrý rásiminiń kýási bolǵan kúzetshiler týraly derekten olardyń ólim jazasyna kesilgenin túsinýge bolady» degen.
Ejelgi mońǵol derekterin aýdarǵannan soń jáne óziniń jerdegi zertteýlerinen keıin Akroıd Uly Qaǵannyń aqyrǵy mekeni týraly burynǵy teorııalar men derekterdi joqqa shyǵaryp otyr. Sonymen qatar, jýrnalıst óziniń teorııasynyń Mońǵol úkimetimen maquldanǵanyn aıtady.
