M.Äuezov atyndaǧy Qazaq memlekettık akademiialyq drama teatrynyŋ akterı, QR eŋbek sıŋırgen qairatkerı Bauyrjan Qaptaǧai «Qojaiyndar» (rej. Ä.Erjanov) filmımen Germaniianyŋ Zigburg qalasynda ötetın Halyqaralyq kinofestivalge qatyspaq.
Būǧan deiın «Partizandyq kino» qozǧalysynyŋ ökılderınıŋ bırı Ädılhan Erjanov tüsırgen «Qojaiyndar» filmı älemdegı eŋ abyroily elderdegı (Kann, Toronto, Avstraliia, Oŋtüstık Koreia) kinofestivalderde körsetılgen bolatyn.
Şalǧaidaǧy auyldaǧy ūltaraqtai jerge talasqan jandardyŋ tartysy beinelenetın «Qojaiyndar» filmınde qazaqtyŋ būrynnan bügınge deiın joiylmai kele jatqan jer dauy, üi talasy mäselelerı körınıs tabady.
«Men – kinonyŋ emes, teatrdyŋ akterı ekendıgımdı atap aitqym keledı. Tüsırılım barysynda rejissermen oiymyz säikespei, bır-bırımızben tüsınıse almai qalǧan kezderımız de boldy. Filmde beiıttıŋ basynda qaitys bolǧan adamdy jerlep jatyp, auyldyŋ ülkenı retınde söz söilep, soŋynda: «ömırde biden basqa ne bar» dep bileitın tūsym bar. Al, ol – qazaqqa jat dünie. Bıraq, tereŋırek üŋılıp qarasaq, qazır ölımnıŋ özı oiynşyqqa ainalyp bara jatyr. Ölım şyqqan üige «oi, bauyrymdap» jylap, ün şyǧaryp kıruge qalany qoiyp auyldyŋ özınde tosyrqaityn boldyq. Soǧan qaramastan, öz basym ömır boiy qaza üstıne «oi, bauyrymdap» kıremın. Mıne, rejisser bügıngı künnıŋ şyndyǧyn suretteitın osyndai elementterdı filmde ūtymdy paidalanǧan», – deidı B.Qaptaǧai.
«Sonymen qatar, jas rejisser Ä.Erjanovqa bır taŋǧalatynym – özınıŋ ışkı oiyn kino arqyly körsete alatyndyǧy. Onyŋ joly bölek, dara jäne ol betke alǧan tūsynan ainymaidy. Sol sebeptı moiyndasaŋyz da, moiyndamasaŋyz da Qazaqstandaǧy on rejisserdıŋ qataryna kıretın Ä.Erjanovtyŋ filmı Germaniiadaǧy kinofestivalge qatyspaq» degen akter osy saparynda älem elderınıŋ üzdık kino-tuyndylary körsetıletın festivalde kino salasynyŋ damu baǧyttaryn baqylap qaitpaq.
Daiyndaǧan Möldır BEKJAN
