2016 jyly, 20 sáýir kúni, 19.00 «Adyrna» qory Almatydaǵy Ǵ.Músirepov atyndaǵy balalar men jasóspirimder teatrynda Balýan Sholaq Baımyrzaulynyń jeke shyǵarmashylyǵynan "Úsh júzge atym málim Balýan Sholaq" atty án keshin ótkizýdi josparlap otyr.
«Adyrna» ulttyq-etnografııalyq birlestigi» qoǵamdyq qory 2010 jyldan beri dástúrli án-kúı keshterin uıymdastyryp keledi. Atap aıtsaq, Birjan sal (2010), Aqan seri (2010), Muhıt (2011), Úkili Ybyraı (2012), Jaıaý Musa (2013), Sáken Seıfýllın (2014) ánderinen jeke-jeke konertter, Táýelsizdik jolynda qurban bolǵan kompozıtorlar shyǵarmashylyǵy boıynsha «Azat rýhtyń aldaspandary» (2012) konerti, jylqy týraly ánder men kúılerge negizdelgen «Dúldúl án men pyraq kúı» (2014) atty konertin uıymdastyrǵan edik. «Uly dala daýylpazdary» jobasynyń aıasynda, «Adyrna» ulttyq-etnografııalyq birlestigi» qoǵamdyq qory 2016 jyly, 20 sáýir kúni Almatydaǵy Ǵ.Músirepov atyndaǵy balalar men jasóspirimder teatrynda Balýan Sholaq Baımyrzaulynyń jeke shyǵarmashylyǵynan dástúrli án keshin ótkizýdi josparlap otyr. Konertte Balýan Sholaq ómirinen qysqasha qoıylym kórsetiledi. Naqtyraq aıtsaq, belgili rejısser Esmuqan Obaevtyń «Jaýjúrek» spektalinen úzindi berilmek. Sahna kórkem Kókshetaýdyń ásem tabıǵaty úlgisinde bezendiriledi. Konerttiń taǵy bir basty ereksheligi – Balýan Sholaq babamyzdyń múlde beımálim ánderi tuńǵysh ret úlken sahnada oryndalatyn bolady. Án keshine Ǵalym Muhamedın, Jolaman Qujımanov, Ramazan Stamǵazıev, Erlan Tóleýtaı, Erkin Shúkimanov, Tileýles Qurmanǵalıev, Erkin Nurhanov, Talǵat Muqyshev, Saıan Aqmolda, Nurgúl Ákimqojına, Talǵat Ábýǵazy, «Arnaý» folklorlyq ansambli, Saıat Nurǵazın, Jasulan Saqaev jáne taǵy basqa ónerpazdar qatysady.
Baılanys:
87007779086, adyrna@bk.ru
Án keshi týraly suhbat alýǵa uıymdastyrýshy ánshiler:
Jolaman Qujımanov 87773661210
Erlan Tóleýtaı 87013249471
