Ǧasyrǧa juyq uaqyt sezımtal öner türın eŋ talǧampaz körermen nazaryna ūsynyp kele jatqan Almaty qalasyndaǧy Memlekettık quyrşaq teatry üşın biyl mereilı jyl.
Memlekettık quyrşaq teatryna 85 jyl! Jaŋa mausym şymyldyǧy türılgelı jaŋaşyl dünielermen körermenın quantyp kele jatqan ūjym eresekterge arnalǧan spektaklder de sahnalap, soŋǧy uaqyta quyrşaq teatry önerınıŋ kökjiegın keŋeittı. Mereilı mausymda jaryqqa şyqqan «Men bır jūmbaq adammyn... Abai» (rej.: A.Zaisev) qoiylymy da būryn-soŋdy qazaq quyrşaq teatry arqalamaǧan jüktı köterdı. Aqyn ömırı men önerıne mūnşalyqty joǧary deŋgeide baǧa berılmegendıgın teatrtanuşylar men teatr maitalmandary erekşe atap ötken bolatyn.
Önerdı örkendetu jolynda üzdıksız eŋbek etıp kele jatqan kielı qara şaŋyraqtyŋ bügıngı şyǧarmaşylyq tynysy, aldaǧy ıs-şaralar josparlaryn qoǧamǧa keŋınen nasihattau maqsatynda aǧymdaǧy jyldyŋ nauryz aiynyŋ 1-şı jūldyzynda
BAQ ökılderıne arnap
BASPASÖZ TURYN ötkızdı. Respublikamyzdaǧy tūŋǧyş quyrşaq teatry köktemnıŋ alǧaşqy künı ALǦYS AITU merekesıne orai aqparat salasynyŋ jurnalisterı, belsendı blogerler men portal, radio tılşılerınıŋ basyn qosty. Teatrdyŋ ärbır aituly ıs-şaralary men halyqaralyq festivalderdegı eleulı eŋbekterıne aqparattyq qoldau körsetıp, körermenderımızge keŋınen nasihattap jürgen ärıptesterımızge alǧys aita otyryp, jeksenbılık mädeni demalys ūiymdastyryldy.
Teatrdyŋ 85 jyldyq mereitoiymen tūspa-tūs ötkelı otyrǧan
«Quyrşaqtar şaqyrady – 2020» Halyqaralyq quyrşaq teatrlarynyŋ festivalı aldynda BAQ ökılderıne öner ordasynyŋ özıne ǧana tän öndırısı men ışkı şyǧarmaşylyq üderısı keŋınen tanystyryldy. Atap aitqanda, balalar üşın quyrşaq jasau şeberlerı master-klasstar, tıgıŋ sehynyŋ şeberlerı men ardager aktrisalar mūraǧattaǧy quyrşaqtarmen tanystyru şaralaryn ötkızdı. Sonymen bırge, teatrdyŋ tölqūjatyna ainalǧan otyz bes jyldan astam tarihy bar «Quyrşaq duman» (rej.: S.Şükırov, Q.Eşmūratova) qoiylymynyŋ da tegın körsetılımı ūiymdastyrylyp, balalyq şaq pen balǧyn kezeŋge saiahat jasaldy.
Is-şaradan soŋ teatrǧa arnaiy at basyn būrǧan «Adyrna» ūlttyq-etnografiialyq bırlestıgı direktory Arman Äubäkır: «Bügın quyrşaq teatryna kelıp, boiymdy erekşe ekı quanyş bilep tūr. Bırı, qazaq tılındegı qoiylymdardyŋ balalar üşın de, ata-analar üşın de tiımdı uaqytqa qoiylǧandyǧy. Būǧan deiın qazaqşa qoiylymdar yŋǧaisyz taŋǧy uaqytta bolatyn. Ekınşıden, eresekterge arnalǧan spektaklder sahnalap, qazaq mädenietın älemdık arenaǧa tanytyp jürgen ūjymnyŋ jemıstı eŋbegı köp ekenıne köz jetkızdık. Qazaq tılındegı qoiylymdar sany artyp bala körermenderdıŋ qyzyǧuşylyǧy oianuyna sebep bolǧan bügıngı ıs-şaranyŋ maŋyzy zor ekenın aitqym keledı. Bırlesken jūmys qaşan da öz nätijesın beredı. Aldaǧy bastamalaryŋyzǧa sättılık serık bolsyn!» dep pıkır bıldırse, jurnalist Madina Sarbalaeva: «Qazaq jurnalisterın qonaq etken Memlekettık quyrşaq teatry quyrşaqtardyŋ jasalu jolyn, olardyŋ obrazdarymen jaqyn tanysuǧa mümkındık syilady. Mädeni oşaqpen tereŋ tanysuǧa sebepker bolǧan barşa teatr qyzmetkerlerı men artisterıne alǧysymdy bıldıremın» degen aqjarma tılekterın ortaǧa saldy.
«31 Arna» telearnasynan kelgen jurnalist Jaras Niiazbek: «Biyl qūrylǧanyna 85 jyl tolyp otyrǧan ırgelı ūjymǧa tört botamdy ertıp baryp, ūmytylmastai äsermen qaittyq. Repertuar qazaqylanyp, ūjym üzdıksız, demalyssyz jūmys jasaityndyǧyn kördık. Keremet kün üşın rahmetten özge aitar söz joq. Endı tūraqty körermender qatarynan tabylamyz jäne barşaŋyzdy ǧajaiyptar mekenıne büldırşınderıŋızdı äkelıp tūryŋyzdar dep keŋes beremız. Ökınbeisızder!» dep aiaqtady.
Alpysqa juyq aqparat salasynyŋ belsendı jurnalisterınıŋ basyn qosqan aituly şara tek teatr tynysymen tanystyru emes, köpşılıkke beimälım quyrşaq önerın keŋınen därıpteitın ärıptesterımızge alǧys aitu maqsatynda ūiymdastyryldy.
Memlekettık quyrşaq teatry ūiymdasyratyn ıs-şaralar legı mūnymen tolastamaq emes. Merekelı künderge toly aida quyrşaq teatry ūsynar quanyşty sätter köp bolmaq. Teatr jaŋalyqtarynan qapy qalmaŋyzdar!
Beibıt ÄLKEEVA
"Adyrna" ūlttyq portaly
Basqalarmen bölıse
otyryŋyz
