Senat töraǧasy Dariǧa Nazarbaeva bizneske berıletın industrialdy sertifikat qyzmetın memleketke qaitarudy ūsyndy dep habarlaidy Dalanews.kz.
Parlament otyrysynda elımızdegı jeŋıl önerkäsıp mäselesı söz bolyp, senator Serık Jaqsybekov bizneske berıletın industrialdy sertifikat qyzmetın synady.
“Bylai qaraǧanda jep-jeŋıl jūmys sekıldı. Kompaniia sertifikat alu üşın (“Atamekenge” red.) ötınış joldaidy. Söitıp 2 aidan 6 aiǧa deiıngı aralyqta älgı ötınıştı sarylyp kütedı. Ötınıştı qabyldap alǧandar ne habaryn aitpaidy, ne jauabyn joldamaidy. Tıpten tüsınıksız.
Sertifikat aludyŋ erejesıne sai kompaniiaǧa sarapşy kelıp, baǧalau jūmysyn jürgızu kerek eken.
Sertifikatty ötkızıp qoiǧan käsıporyn älgı sarapşyny aptalap, ailap kütedı. Onyŋ qaşan, qai mezgılde keletını habarlanbaidy. Mınekei, körıp şyǧyŋyz…”, – degen Jaqsybekov qolyndaǧy qaǧazdy Nazarbaevaǧa ūstatty.
“Ol jaqtaǧylar sızder kötergen mäseleden qūlaǧdar. Būl jūmysty barynşa yqşamdap, jüieleuge tyrysyp jatyr…”, – dedı Şolpanqūlov.
Nazarbaeva “Atamekennıŋ” käsıpkerlerge beretın industrialdy sertifikat qyzmetın synap, būl jūmysty memleket qūzıretıne qaitarudy ūsyndy.
“Būl ıstı memleketke jükteu kerek. Jalpy türlı sertifikat tabystaityn qyzmet türlerın memleket jauapkerşılıgıne qaitarǧan jön. Nege? “Atameken” būl ıstı äkete almai otyrǧanyn özderıŋız aittyŋyzdar. Nätijesı şamaly eken. Sertifikat tabystaudyŋ özın para alyp, para beretın alaŋqaiǧa ainaldyrypty.
Onyŋ üstıne industrialdy sertifikattar memlekettık tapsyrystyŋ standartyna sai emes. Mūnda da jeŋ ūşynan jalǧasqan jemqorlyqty aŋǧaramyz. Sūraǧanyn berse, älgı sertifikatty kım körıngen aluy mümkın.
Jalpy būl saladaǧy bylyq bastan asady. Sertifikat berudı memleketke qaitaryp, tärtıp ornatu kerek”, – dedı Dariǧa Nazarbaev.
İndustrialdy sertifikat käsıporynnyŋ önım öndıretının rastaityn qūjat. Ötınış beruşınıŋ tehnikalyq, tehnologiialyq, resurstyq mümkındıkterı bar ekenın körsetedı, önım öndıruge şamasy jetetındıgın aiǧaqtaidy, tızımde körsetılgen qyzmet auqymyn körsetuge qauqary jetetının däleldeidı.
Jeŋıl önerkäsıppen ainalysatyn jäne jihaz äzırleitın käsıpkerlerden memlekettık satyp aluǧa qatysu üşın industrialdy sertifikat talap etıledı.
“Atameken” osy arqyly aty bar, zaty joq käsıporyndarmen küresetının aitqan.
“Bız jeŋıl önerkäsıp önımderın eksporttaǧannan görı, 17 ese köp importtaimyz.
Qazırgı kezde Qazaqstanda jeŋıl önerkäsıpke köbınese vedomstvolyq memlekettık tapsyrystar arqyly qoldau jasalyp otyr, solardyŋ esebınen käsıporyndar jūmysyn jalǧastyruda. Bıraq türlı sebepterge bailanysty būl käsıporyndarǧa tehnologiialyq tūrǧydan damuǧa, assortimenttı keŋeituge mümkındık bermeidı.
Memlekettık satyp aluǧa alyp-satarlar köp qatysady. Tapsyrys beruşı tömen baǧaǧa qyzyǧyp, sapasyz importtyq tauar alady. Nätijesınde biudjet qarajaty elden şyǧarylyp, basqa elderdıŋ ekonomikasyn damytuǧa demeuşı bolady”, – deidı öz kezegınde Dariǧa Nazarbaev.
Artynşa Qarjy vise-ministrı Berık Şolpanqūlov söz alyp, sertifikatty “Atameken” käsıpkerler palatasy beretının eske saldy.
