QR Sifrlyq damu, innovasiia jäne aeroǧaryş önerkäsıbı ministrı Asqar Jūmaǧaliev Elektrondy ükımet portaly turaly tüsınık berdı. Būl turaly turkystan.kz habarlady.
"Elektrondy ükımettıŋ jūmys ısteu mümkınşılıgıne toqtalsaq, halyqqa qyzmet körsetu ortalyqtary jabylǧannan keiın, portal ştattyq rejimde jūmys ıstedı. Tötenşe jaǧdaiǧa bailanysty portaldy paidalanuşylar sany bırden köbeidı. Osyǧan qaramastan portal ştattyq rejimde jūmysyn jalǧastyruda", – dedı ministr «Habar 24» telearnasynyŋ tıkelei efirınen.
Onyŋ sözıne qaraǧanda, TJ kezeŋınde tūrǧyndarǧa millionnan astam elektrondy qyzmet körsetıldı. «Kündelıktı rejimde portalda saǧatyna 600 myŋ ötınım tüsetın. Qazır eŋ joǧary şektegı jükteme kezınde saǧatyna 15 millionǧa deiın jetıp otyr. Būl öz kezegınde eleulı jükteme», – dedı A. Jūmaǧaliev.
Būdan bölek ministr tötenşe jaǧdai kezınde äleumettık tölemge ötınım berude keibır qiyndyqtarǧa bailanysty bolǧan eskertulerge pıkır bıldırdı. A. Jūmaǧalievtıŋ aituynşa, 42 500 teŋgenıŋ tölemı boiynşa qyzmettı engızuge qatysty reglament 28 nauryzda bekıtıldı. Osy oraida IT-mamandarǧa būl reglament jetkızıldı. «Bız tünı boiy jūmys ıstep, atalǧan qyzmettı ıske qostyq. Osydan keiın äleumettık tölemdı ūsynuǧa qatysty tiıstı qyzmettı ıske asyrudy bastadyq. Portalda bır mezgılde 15 millionǧa deiıngı sessiia tırkeldı. Būl körsetkış barlyq ştattyq rejimderden asyp tüstı. Ärine, būl tūrǧyda belgılı bır mäseleler tuyndap, bız problemalardy şeşu maqsatynda syrtqy kanaldardy ajyrattyq», – dedı vedomstvo basşysy.
Ministr ärıptesterıne alǧys bıldırudı de ūmytqan joq.
Būdan būryn habarlanǧandai, 42 500 teŋgelık äleumettık tölem 3 millionǧa juyq adamǧa berıledı. Sonymen qatar, Eŋbek jäne halyqty äleumettık qorǧau ministrı Bırjan Nūrymbetov säuırde elımızde 42 500 teŋgelık tölemdı aluǧa bolatyn, ol üşın arnaiy saittyŋ aşylatynyn mälımdegen.
Turkystan.kz
