Taraz qalasy 7 sáýirden bastap karantın rejımine kóshedi, - dep habarlaıdy «Adyrna» ulttyq portalynyń tilshisi.
Karantın rejımine baılanysty qala ákimdigi shuǵyl daıyndyq sharalaryn júrgizip jatyr. Atap aıtqanda, qalaǵa kiretin 7 post beketiniń árqaısysyna 2 palatkadan jetkizilip, ondaǵy qyzmetkerler azyq-túlikpen, jatyn orynmen qamtamasyz etildi. Atalǵan 7 post kamera arqyly qala ákimshiliginde baqylaýda bolady.
Karantın rejımine qatysty Taraz qalasynyń ákimi Aıtqazy Dáýletqululy Jambyl oblysy óńirlik kommýnıkaııalar qyzmetinde málimdeme jasady.
Qurmetti qala turǵyndary!
Taraz qalasynyń Bas memlekettik sanıtarlyq dárigeriniń qaýlysymen 7 sáýir kúni saǵat 00.00-den bastap qala aýmaǵynda karantın rejımi engiziledi. Osyǵan baılanysty qalalyq ákimdiktiń janynan jedel shtab quryldy. Shtab quramyna qalanyń barlyq bólimderi, polıııa, SES mamandary engizilgen. Shtab táýlik boıy jumys isteıdi jáne arnaıy jedel telefon iske qosylǵan – 43-15-16, 45-59-85
Karantın jarııalanǵannan keıin barlyq avtokólik quraldarynyń jáne azamattardyń qala aýmaǵyna kirýine jáne shyǵýyna tyıym salynady. Azyq-túlik taýarlaryn, medıınalyq buıymdar men preparattaryn, birinshi kezekte qajetti taýarlardy tasymaldaıtyn, kóktemgi egis jumystaryn júrgizetin avtokólik quraldarynyń júrýine arnaıy ruqsat qaǵazymen ǵana ruqsat beriledi. Ruqsat qaǵazdaryn jergilikti ákimdikten ala alasyzdar.
Qoǵamdyq kólikter saǵat 7-00-den 20-00-ge deıin jumys isteıtin bolady.
Osyǵan baılanysty adamdardyń jáne jeke kóliktiń Taraz qalasynyń aýmaǵynda erkin júrip-turýyna tyıym salynady:
- jumys ornynan anyqtama bolǵan jaǵdaıda turǵylyqty jerinen jumys ornyna deıin jáne keri júrip-turý;
- azyq-túlik taýarlaryn, dárilik preparattardy jáne medıınalyq buıymdardy satyp alý;
- medıınalyq kómekke júginý;
- memlekettik jáne áleýmettik kómek alý maqsatynda memlekettik mekemelerge barý;
- kútpegen tótenshe jaǵdaı jáne adamnyń ómiri men densaýlyǵyna qaýip tóndiretin basqa da jaǵdaılar kezinde.
Bul rette, otbasy múshelerin qospaǵanda, adamdardyń 3 adamnan artyq toptasýyna, sondaı-aq kámeletke tolmaǵandardyń eresekterdiń erip júrýinsiz júrip-turýyna tyıym salynady.
Jeke tulǵalar, avtokólik júrgizýshileri jeke qorǵaný quraldaryn paıdalanýǵa mindetti.
Azyq-túlik sýpermarketteri, azyq-túlik dúkenderi, dárihanalar, veterınarııalyq dárihanalar, aýyl sharýashylyǵy tehnıkasyna arnalǵan avtobólshekter, aýyl sharýashylyǵy janýarlaryna arnalǵan jem-shópterdi ótkizýge ruqsat beriledi.
Meıramhanalarǵa, dámhanalarǵa, barlarǵa, ashanalarǵa jáne basqa da qoǵamdyq tamaqtaný nysandaryna "tutynýshylarǵa jetkizip berý" rejımi boıynsha saǵat 10.00-den 22.00-ge deıin jumys isteýge ruqsat etiledi.
Al, iri saýda úıleri, oıyn-saýyq ortalyqtarynyń, bazarlardyń, barlyq azyq-túlik emes taýarlar saýda nysandarynyń, avtosalondardyń, avtoqosalqy bólshekter satý salondarynyń, gúl pavılondarynyń qyzmeti toqtatylady.
Halyqtyń jappaı jınalatyn oryndaryna, onyń ishinde saıabaqtarǵa, skverlerge, jaǵalaýlarǵa, alańdarǵa, balalardyń oıyn alańdaryna jáne qala turǵyndarynyń ózge de demalys oryndaryna barýyna tyıym salynady.
Barlyq qyzmet túrlerin kórsetý oryndary, bank bólimsheleri jáne lombardtar, "Qazpochta" AQ bólimsheleri, qonaq úıler, sondaı-aq dóńgelek montajdaýǵa arnalǵan jeke turǵan bokstar jumys isteıdi.
Qala turǵyndaryn karantın kezinde barlyq saqtyq sharalaryn ustanyp, úılerińizde qalýǵa shaqyramyn.
"Adyrna" ulttyq portaly
