Parlament Mäjılısınıŋ deputaty Omarhan Öksıkbaev Qazaqstannyŋ Tūŋǧyş Prezidentı – Elbasy Nūrsūltan Nazarbaevtyŋ «Bırlese bılgen el bärın jeŋedı» atty maqalasyna qatysty pıkırın bıldırdı, dep habarlaidy QazAqparat tılşısı.
«Elbasynyŋ maqalasyn mūqiiat oqyp şyqtym. Nūrsūltan Nazarbaev taǧy da halqymen bırge ekenın körsetıp otyr. Qazırgı taŋda älemdı şarlap ketken koronavirus dertınıŋ qaterlı ekenın, ol Qazaqstanǧa ǧana emes, bükıl memleketterge qauıp töndırıp jatqany aitylyp otyr. Bügıngı taŋda Elbasy halyqqa bız bırge bolsaq, tärtıptı el bolsaq, jūmyla kötergen jük jeŋıl tüsetının jetkızdı. Eŋ bastysy qiynşylyqty jeŋe alatyn sarabdal saiasat pen tiıstı qordyŋ barlyǧy da ūmyt qaldyrylmai, memlekettıŋ qauqary, qarjylyq mümkındıktıŋ baryn, ekonomikanyŋ tūraqtylyǧyn körsettı», - dedı Omarhan Öksıkbaev QazAqparat tılşısıne telefon arqyly aitqan pıkırınde.
Mäjılıs deputatynyŋ aituynşa ındettı eŋseru maqsaty – memleket pen Ükımet qolǧa alǧan şaralardan bölek halyqtyŋ bırlıgın de talap etedı. «Täuelsızdıkpen bırge tuǧan jastardyŋ küş-qairatyn körsetıp, mümkınşılıgın tanytatyn, ülkenderdıŋ jastarǧa aqyl aityp, parasattylyqqa şaqyryp, el bırlıgın tanytatyn kezeŋnıŋ kelgenın körsettı. Qiyn kezeŋde elge qol ūşyn sozǧan käsıpkerlerımızden bastap är salada aldyŋǧy qatarda jürgen azamattarymyzdyŋ eŋbegı erekşe atalyp öttı.
Būl maqala - halqymyzdy sabyrǧa şaqyratyn, eldıgımızdı saqtauda bas qosu kerektıgın basa aitqan, ūnjyrǧamyzdy tüsırmei, eŋsemızdıŋ köterıp, qazaqtyŋ basynan ötetın būl da bır kezeŋ ekenın eske salyp otyr dep aitar edım», - dep tüidı Mäjılıs deputaty. Eske sala ketsek bügın taŋerteŋ QR Tūŋǧyş Prezidentı – Elbasy Nūrsūltan Nazarbaevtyŋ «Bırlese bılgen el bärın jeŋedı» atty qazaqstandyqtarǧa ündeuı jariialanǧan edı.
QazAqparat
