Almaty oblysyna qarasty Qarasai audandyq auruhanasynyŋ jūqpaly aurular bölımınde kornovirus jūqtyrǧan 7 nauqas jatyr. Būl turaly QazAqparat habarlaidy.
Olardyŋ sauyǧyp aman-esen üilerıne şyǧuyna därıgerler baryn saluda. Solardyŋ bırı bölım meŋgeruşısı Säule Baraqbaeva. Onyŋ üiıne barmaǧanyna 20 künnen asyp ketken.
Säule Baraqbaeva 30 jyldyq täjırbiesı bar infeksionist därıger. Onyŋ aituynşa, älemdı äbıgerge salǧan koronavirus dertı adamazatqa jıberılgen synaq. Būl ındettı ümıt pen senım jäne jauapkerşılıktıŋ arqasynda jeŋıp şyǧuǧa bolady. «Adamzat osy uaqytqa deiın qanşama pandemiiany bastan ötkerdı. Sondyqtan būl pandemiiany da jeŋıp şyǧamyz. Oǧan ümıt bar. Eŋ bastysy tūryǧyndar öz densaulyqtaryna nemqūrailyq tanytpauy qajet. Barlyq karantindık rejimdı saqtasa, köp ūzamai būl qiynşylyqtar artta qalady»,– deidı bılıktı därıger. Onyŋ aituynşa, bügıngı künı jūqpaly aurular bölımınde koronavirus jūqtyrǧan 7 nauqas jatyr. Bärınıŋ jaǧdaiy qanaǧatanarlyq. Būǧan deiın bır pasient sauyǧyp üiıne şyǧarylǧan. «Jalpy bölımde 9 därıger, 45 medbike jäne 40 sanitarka jūmys ısteidı. 30 medisina qyzmetkerı osy ındettı emdeuge jūmyldyrylǧan. Bügınde 19 adam karantinde, 11-ı jūmysta. Mamandardyŋ üilerıne barmaǧanyna bır aiǧa juyqtady»,– deidı bölım meŋgeruşısı.
Säule Baraqbaevada otbasyn qatty saǧynǧan. Üi ışımen telefon arqyly qoly bosaǧanda ǧana söilesedı. «Menıŋ üige barmaǧanyma 20 künnen asyp kettı. Üide anam, joldasym jäne 12 jastaǧy qyzym bar. Bärın qatty saǧyndym. Olarmen qolym bosaǧanda beineqoŋyrau şalyp, söilesemın. Men olardy, olar menı saǧynyp jür. Būiyrsa aman-esen otbasymen qauyşarmyn. Äzırge basty maqsatym nauqastarǧa kömektesu»,– deidı Säule Baraqbaeva. Elımızde qauıptılıgı asa joǧary, joǧary jäne ortaşa degen üş därejege sai üstemaqy tölene bastady. Atalmyş bölım därıgerlerı qauıptılıgı joǧary sanatqa jatatyndyqtan, soǧan sai üstemaqylaryn aldy. «Osy joly jalaqyǧa qosymşa ükımetten üstemaqy tölendı. Bärımızdıŋ kartochkamyzǧa tüstı. Ükımetke ärıpteserımınıŋ atynan alǧysymyzdy aitamyn. Bızdıŋ bölımşege koronaviruspen qarym-qatynasta bolǧan kısılerdı äkeledı. Solarǧa bızdıŋ därıgerler bırınşı kömek körsetedı. Bızdıŋ maqsatymyz üstemaqy alu emes nauqastardy emdep şyǧaru»,- deidı ol. Sondai-aq, ol adamdardy karantin rejimın saqtap, üiden şyqpauǧa şaqyrdy.
QazAqparat agenttıgı
https://www.inform.kz/kz/bizdin-maksatymyz-ustemeaky-alu-emes-naukastardy-emdeu-infekcionist-dariger_a3637422
